Etxerik ez dutenen bizimodua duinago egiteko eta bazterkeria-egoera horren arrazoietan eragiteko baliabideak eskaintzea. Ikuspegi integral batetik, egoera horretan daudenen bizi-baldintzak hobetu nahi ditugu: baliabideak eskaintzen dizkiegu gizarteratzeko eta beren autonomia-maila handitzeko, parte hartzeko aukera izan dezaten eta beren eskubideak egikaritu ditzaten. Eta, horretarako, beren erritmora eta bizi-unera egokitutako arreta pertsonalizatua eskaintzen diegu.
Oinarrizko beharrizanei (elikadura, higienea, premiazko ostatu ematea) erantzutetik abiatuta, bilatzen dugu artatutakoaren bazterkeria-egoeraren eraginak arintzea, eta bitartekaritza-lana egitea, pertsona horri bere eskubideak egikaritzea eta gizarteratzea ahalbidetu diezaioketen sistema desberdinekin.
Arreta pertsonalizatua eskaintzen duten zerbitzuak, etxerik gabeko pertsonek gizarteratze-prozesuak egin ahal ditzaten. Ikuspuntu integral horren xedea da ahalbidetzea etxerik gabeko pertsonak beren garapen-prozesuaren subjektu izatea, eta autonomia, parte-hartze eta eskubide-egikaritze maila ahalik eta altuena lortzea, beren erritmoak eta bizi-unea errespetatuta
Pertsona ororen oinarrizko eskubidea da etxebizitza egokia, neurrikoa eta segurua izatea. Caritas Bizkaiak errealitatea ezagutzen du; eta, eskubideen ikuspuntu batetik, etxebizitzarik ezak eragindako bazterkeria sortzen duten egiturak eraldatzen lagundu nahi du, sare-lanaren, sentsibilizazioaren eta salaketaren bitartez.
