ETXEPEL – Etxerik gabeko pertsonentzako arreta integrala, Durangaldean

Zertan datza proiektua?

Etxepel zerbitzuak arreta integrala eskaintzen die etxerik ez duten pertsonei. Laguntza pertsonalizatua ematen dute, bazterkeria-egoera pairatzen duen pertsonak gizarteratzeko bere prozesua garatu ahal dezan. Eguneko arreta-zerbitzua ere aurreikusten du, gizarte-bazterkerian dauden eta Bizkaiko Foru Aldunditik bideratzen dizkieten pertsonentzat

Nori zuzenduta dago proiektua? 

Etxepel etxerik ez duten Durangaldeko eta bere eragin-eremuko adin nagusikoentzat da.

Zein da proiektuaren helburua? 

Etxepel proiektuak bilatzen du etxerik ez duen pertsonak bizi duen bazterkeria-egoeraren ondorioak arintzea, eta hari laguntza ematea zenbait eremutan, bere bizitza-proiektua garatu ahal dezan bere hurbileneko ingurunean.

Ikuspuntu integral horren xedea da ahalbidetzea norbanakoak beren garapen-prozesuaren subjektu izatea, eta autonomia, parte-hartze eta eskubide-egikaritze maila ahalik eta altuena lortzea, beren erritmoak eta bizi-unea errespetatuta.

Eta, horretarako, artatutako pertsonei arreta pertsonalizatua eskaintzen diete: erreferentziazko gune bat, gizarteratze-prozesuan behar dituzten erantzunak garatzeko (esku-hartze sozioedukatiboa, bitartekaritza, arreta psikologikoa, etxebizitzarako laguntza, komunitatearekiko bitartekaritza, aisialdia eta astialdia…).

Nork ahalbidetzen du? 

Caritas Bizkaiak, Bizkaiko Foru Aldundiarekin batera.