Darte te renta. Eman eta hartu biak batu
Kanpaina hau Corpus Christi ospakizunaren barruan kokatzen da, Pazko Igandetik 60 egunera. Corpus Christi eguna Jesusek Eukaristian duen presentzia bizia ospatzeko da, baita bizi dugun errealitatea ere. Partekatzea eta mundu hobe bat eraikitzea proposatzen duen gonbidapena da.
Hau da Karitatearen Eguna-ren kanpaina, gogorarazten diguna karitatea ez dela aparteko zerbait, baizik eta egunerokoan bizi dela: bestea hartzen duen begirada batean, kontsolatzen duen besarkada batean, epaitu gabe entzuten duen entzumenean, sostengatzen duen otoitzean.
Aurten Bilboko Elizbarrutiko Caritasen 70. urteurrena ospatzen ari gara. 70 urte Bizkaiko Elizaren konpromisoa ahultasun eta bazterketa egoeren aurrean. Kartelak konpromiso horren logoa jasotzen du.
IDEIA NAGUSIA: boluntarioen konpromisoa ikusarazi, aitortu eta eskertzea. Parte hartzera animatzea, elkartasuna aktibatzea eta anaitasuna sustatzen duten keinu eta ekintzak bultzatzea.
“Zorion gehiago dakar emateak hartzeak baino” Eg. 20,35
Zer egin dezakezu zuk?
Solidaritatea ikusgarri egiten duten keinu zehatzak egitera gonbita: zubiak eraikitzen dituzten, elkarrizketak sortzen dituzten eta anaitasunez arnasten duten biziguneak eragiten dituzten keinuak.
- Ez pasa luzera. Gelditu eta eskaini zure denboraren zati bat beste pertsonei interesatzeko: zer gertatzen zaien, zer sentitzen duten, zer behar duten, zer adierazi nahi dizuten entzuteko. Elkarrizketa egin, presarik gabe.
- Hartu jendea ondo, epairik, baldintzarik edo oztoporik jarri gabe. Harritu zaitez beste pertsonen edertasunaz, haien asmamenaz, eskuzabaltasunaz, kemenez eta dohainez… eta eskertu jasotzen duzuna.
- Utzi alde batera urruntzen duen begirada hori, desberdintasunak azpimarratu eta distantziak jartzen dituena. Ez izan beldurrik besteak zuregandik desberdinak direlako, beste modu batean pentsatzen dutelako edo ohitura eta ideiak bestelakoak dituztelako. Ez saiatu konbentzitzen edo aldatzen. Egin elkarrizketa, partekatu, bilatu zuek batzen zaituena eta gonbidatu elkarrekin zerbait egitera.
- Landu enpatia: pentsatu nola senti daitekeen aurrean duzun pertsona. Sustatu harremanak hurbiltzen dituztenak, bide, amets eta borrokak elkarrekin partekatzera gonbidatzen dutenak. Zu ni bezala. Ni zu bezala. Duin berdinarekin.
- Ikasi inguruan daudenen keinu eskuzabal eta doakoetatik; aitortu eta baloratu. Galdetu ezagutzen dituzun boluntarioei beren esperientziez, ikaskuntzez eta bizipenez… Litekeena da esatea laguntza jasotzen duenaren bizitza ez ezik, laguntzen duenarena ere eraldatzen duen esperientzia dela.
- Partekatzen ikasi dituzun eta zaren ondasunak; sortu irekiera, eskuzabaltasuna eta konfiantza. Ez dadila izan metatzeko eta segurtasuna bilatzeko grinak bultzatzen zaituena.
- Sustatu sareko elkartasuna: aniztasunetik, tolerantziatik eta duintasunaren defentsatik parte hartzeko sare zabala.
- Landu konfiantza: lan egin eta jardun, baina jakinda dena ez dagoela zure esku. Beharrezkoa da ahalegin humanoaren eta Jainkoarenganako konfiantzaren arteko oreka. “Lan egin dena zugandik balitz bezala” giza erantzukizunari egiten dio erreferentzia; “jakin dena Jainkoaren esku dagoela” gogorarazten digu ez garela protagonista. San Ignaziok honela adierazi zuen: “Ez dago norberak bere burua agortu beharrik, baizik eta ahalegin egoki eta nahikoa egin, eta gainerakoa ahal duenaren esku utzi”.
- Konprometitu zaitez ongizate komunarekin, eduki etikorik gabeko demokraziaren eta politikarekiko desafezioaren aurrean.
