Bilboko XIX. Bilboko Opil Solidarioa
Tradizio berritua
“Bilboko XIX. opil solidarioak” bazterkeria- eta pobrezia-egoerei buruz sentsibilizatzen jarraituko du, eta 3.500 errazio solidario banatuko ditu, 2023ko urtarrilaren 5ean (osteguna), Plaza Berrian
Gaur, abenduak 29, Bilboko XIX. Opil Solidarioa aurkezteko prentsaurrekoa egin da, 11:00etan, Caritas Bizkaiaren egoitzan. Honako hauek hartu dute parte: Carlos Bargosek eta Ana Sofi Telletxeak, Caritas Bizkaiaren aldetik; Rosa Pardok, Bilboko Zazpikaleetako Merkataritza, Ostalaritza eta Enpresen Elkartekoak; Pilar Alonsok, Bizkaiko Okindegien Elkartekoak; Nekane Narbaizak, Lapiko Catering enpresakoak; José Ramón Tarancok, LABORAL Kutxakoak, Gaizka Aseguinolaza Garmendia, Iruña Catering enpresakoa eta Lorena Taibo Baqué enpresakoa.
Aurreko edizioetako ikaskuntza positiboak gehituz, Bilboko Plaza Berrian egingo da, eramateko formatuari eutsiz. Opil zatiak eta txokolatea pack birziklagarrien bidez banatuko dira goizeko 10:00etatik aurrera, modu dinamikoan. Horrela, jendea pilatzea saihestuko da eta ondorengo kontsumoa erraztuko da.
Bilboko XIX. Opil Solidarioa banatzen den bitartean hainbat animazio-jarduera egingo dira; besteak beste, haurrentzako tailerrak eta zozketak. Horietan, pertsonek opilaren ticket berarekin parte hartu ahal izango dute, 1 €-ko dohaintzarekin (txokolatezko edalontzia eta opil zatia). Aurten ere, Radio Popular-Herri irratia eta Bizkaia Irratia bertan izango dira, ekitaldiaren helburua den kausa solidarioa zabaltzeko. Halaber, 12:00etan, ohiko argazki instituzionalari eutsiko zaio. Argazki horretan, Bizkaiko gizarteko hainbat agintari eta ordezkarik hartuko dute parte, baita Caritaseko boluntarioen ordezkariek ere (erakundearen giltzarria).
Caritasek duen errealitateak familia askoren eta, bereziki, adin txikiko askoren egoera soziala ikusaraztea eta aldarrikatzea eskatzen du. Pobreziaren belaunaldien arteko transmisioaren aldeko borroka, gizarte-egoera ahulean dauden adin txikikoei aukerak eta baliabideak emateko ahalegina dira, oraindik ere, opilaren kausa solidario nagusia.
Caritas Bizkaiak, Bilboko Zazpikaleetako Merkataritza, Ostalaritza eta Enpresen Elkartearekin batera, Bilboko XIX. Opil solidarioa antolatu du. Aurten ere Bizkaiko Okindegien Elkarteak egingo du, ‘Lapiko Catering’ eta ‘LogiFrío Bilbao’-rekin koordinatuta, eta ‘Café Iruña Catering’-k, berriz, txokolate-errazioen banaketan lagunduko du, Kaikuk (esnea) eta Baqué-k (kakaoa) horretarako emandako osagaiekin. Ekitaldia LABORAL Kutxaren babesarekin eta Engranaje Publizitatearen zabalkunde digitalerako laguntzarekin egingo da. Halaber, Caritas Bizkaiako boluntarioek ere parte hartuko dute ekitaldiaren antolakuntzan.
“Bilboko XIX. Opil solidarioa”-k www.rosconsolidariobilbao.org informazio-webgunea du, eta Caritas Bizkaiaren 33514 BIZUMaren bidez elkartasun-errazioak sinbolikoki erosteko elkartasun-partaidetza errazten du.
Opil solidarioak 600 kilogramotik gorako pisua izango du. Prestatzeko, errezeta tradizionalari jarraituko zaio, eta honako hauek beharko dira: 350 kilogramo irin, 63 kg azukre, 92 kg gurin, 110 dozena arrautza, 30 litro azahar, 33 kilogramo legami, 50 kilogramo askotariko fruta konfitatu apaintzeko eta 7 kg gatz.
Deialdia
Urtarrilaren 5ean, osteguna, 10:00etatik 14:00etara, Plaza Berrian, ordutegi jarraituan. Informazio orokorra: www.rosconsolidariobilbao.org
Kroniko bihurtzen diren arazoz betetako bizitza nahasiak
2008ko krisi ekonomikoaren, COVID pandemia sanitarioaren eta Ukrainako egungo gerraren ondoren, ondorioak elkartu eta metatu egiten dira, eta gizartea eta ekonomia suspertzeko aukerak murrizten dira.
Caritasen bide-laguntza jasotzen duten familiak beste astindu bat jasotzen dute bere egoera ahulean. FOESSA 2022 txostenean adierazten genuen jasaten ditugun gizarte-arazo nagusiak hauek direla: lan-prekarietatea, etxebizitza, pobrezia larria areagotzea eta gizartean baztertuta dauden pertsonek gizartean eta politikan parte hartzeko aukerarik ez izatea.
Egoera horiek guztiek eragiten dieten talde nagusietako bat haurrak eta gazteak dira, halaber, pobreziaren belaunaldien arteko transmisioa gertatzeko funtsezko faktoreak. Bizitza garestitzeak eta energia-krisiak azkar-birak eragiten dituzte, eta familia horien armiarma-sarea handitzen dute. Ez da larriagotzen den arazo bakarra, sareko arazo bat baizik, gero eta gehiago kateatu eta itotzen dituztenak.
Arazoek, gainera, bi mailatan eragiten dute, bata, ikusgarriagoa: diru-sarrerak, etxebizitza, enplegua, eta bestea, intimoagoa, pertsonalagoa, ikusgarriago bihurtzen dena eta pertsonen bizitza atzeratzen eta higatzen duena: zorpetzeak, harremanak hondatzea, bakardade-sentimenduak, antsietatea, etsipena, premiaz bizitzea, etab. Ondorioz, etorkizun hobearen itxaropena urrunduz doa.
Hala ere, balioa eman behar diogu pertsona horien etengabeko ahaleginari, eskura dituzten estrategia guztiak jartzen baitituzte jokoan bizirik irauteko. Oinarrizkoen artean, etxebizitzarekin zerikusia dutenak daude: etxebizitza partekatzea – etxebizitza egoera okerragoan baina merkeagoan beste batera aldatzea – enplegua: lan oso prekarioak onartzea, kontsumoa: gastu handiak murriztea, elikaduran, energian eta zorpetzean eragina dutenak, bai eta beste batek utzitako laguntza ekonomikoa eskatzen dutelako, bai ordainagiriak, batez ere hornidurenak eta etxebizitzarenak, ordaindu ezin dituztelako. Bizirauteko estrategia horiek guztiak, egoera hobetu beharrean, pobreziaren eta bazterkeriaren espiralean sartzen dira.
Hori dela eta, berriro ere, Caritas Bizkaian pertsona horientzat etorkizun errealeko aukerak sortzeko, haien bizitzak biltzen dituzten armiarma-oihal horiekin amaitzeko erreklamamazioa egin eta konpromisoa hartu nahi dugu
Opilaren jatorria
Bilboko Opil Solidaria 2005. urtean jarri zuen martxan Caritas Bizkaiak, haurtzaroan eta gaztaroan bazterkeriaren eta pobreziaren aurka gizartea inplikatzeko. Haren helburua da, oraindik ere, hauek sortzen dituzten kausen inguruan sensibilizatzea eta adingabeen bizi-baldintzak hobetzeko proiektuei laguntzeko dirua biltzea.
