Larrialdi kanpaina Ukrainarekiko elkartasuna
Ukrainan gerra hasi zenetik, otsailaren 24an, Caritas Bizkaiak bat egin zuen Caritas Ukrainaren larrialdi-deiarekin, Nazioarteko Caritasen Sarearen bidez. Pertsona, enpresa, ikastetxe… bakoitzaren elkartasunari esker, gure lurraldera etorritako pertsonen harrera eta Ukrainako Caritasek eta herrialde mugakideetako Caritasek abian jarritako proiektuak babestu ditzakegu. Gerra aurretik pertsona ahulenen zerbitzura lan egiten zuten, eta gerra amaitzen denean ere lan egiten jarraituko dute.
Bizkaiko pertsona eta talde bakoitzaren elkartasuna eta interesa eskertu nahi dugu. Horiei esker, orain arte 235.015 euro bildu dira.
Larrialdia zenbakitan
‘Izan babesleku’ kanpaina
Caritas Bizkaian ‘Izan babesleku’ kanpaina solidarioa jarri dugu martxan, sentsibilizazio ekintzak eta babes solidarioko proposamenak eskaintzen dituena.
Lekuan bertako laguntza
2023an, Caritas Ukrainak 1,3 milioi pertsona baino gehiago artatu ditu, honako zerbitzu hauek eskainiz:
- Laguntza psikosoziala eta hezkuntza.
- Ostatua, ura eta saneamendua.
- Janaria eta oinarrizko beharrak.
- Laguntza ekonomikoa.
2024 urterako, esku hartzeko estrategiak honako hauek dira: herrialdearen ekialdea (larrialdiko laguntza humanitarioa oinarrizkoa da oraindik), erdialdea eta mendebaldea, bertan, gizarteratzea, lan-merkaturako sarbidea (pertsona askok aurrezkiekin amaitu dute), osasunerako eta hezkuntzarako sarbidea, egonaldi ertaineko ostatu duinerako sarbidea eta osasun mentalerako eta dibertsitate funtzionala duten pertsonentzako arreta dira lehentasuna.
Ekintza herrialde mugakideetan
Eskualdeko Caritas guztiak mobilizatu dira Ukrainako errefuxiatuen etorreraren aurrean, gobernuekin eta beste erakunde batzuekin elkarlanean, arreta bermatzeko, errefuxiatuen eskubideak betetzeko eta tokiko komunitateek ahalik eta integrazio onena izateko.
Herrialde bakoitzean artatutako pertsonak
- Polonia: 70.000 baino gehiago
- Errumania: 55.000 baino gehiago
- Moldavia: 80.000 baino gehiago
- Eslovakia: 5.000 baino gehiago
