FOESSA txostenen azken etaparen (2000tik aurrera) helburu nagusia gure herrialdeko gizarte-garapenaren berri ematea da, gizartean erabat integratuta parte hartzearen abantailak ez dituzten horietan begirada jarrita. Soziologiak gizarte- bazterkeriaren kontzeptua erabiltzen du egoera horretan dagoen biztanleriak pairatutako fenomenoa izendatzeko.
IX. edizio honetan, urrats esanguratsu bat eman nahi dugu kontzeptu hori birdefinitzeko bidean. Izan ere, kontzeptu hori oraindik oso baliagarria bada ere, urteen joanak eta orain arte egindako azterketek erakusten dute zenbait gabezia daudela, batez ere fenomenoaren izaera dinamikoari dagokionez.
Aribideko prozesua da, eta oraindik ez da horrekin lotutako inkesta sortu, eta horixe da lurralde-mailako txosten hau garatzeko oinarria. Dena dela, egokia iruditu zaigu hausnarketa hau azaltzea, hitzaurre gisa behintzat, gaia edizio honetatik kanpo ez uzteko.
