Lan duina oinarrizko eskubide gisa

• Lan duina oinarrizko eskubidea da, pertsona guztien duintasuna, inklusioa eta gizartean parte‑hartze osoa bermatzen dituena

• Bat egiten dugu “Lan Duinaren aldeko Eliza”-ren manifestuarekin; bertan pertsona orok lan duin, seguru eta gizatiarrerako eskubidea defendatzen da, bizitza erdigunean jarriz eta inor bazterrean utzi gabe

Langileen Nazioarteko Egunaren testuinguruan gogorarazi nahi dugu lan duinerako sarbidea oraindik ez dela pertsona guztientzat bermatutako eskubidea.

Enplegua inklusiorako, egonkortasunerako eta garapen pertsonalerako tresna izan behar da, eta ez zaurgarritasun‑iturri.

Lan duina defendatzea pertsonaren duintasuna eta gizartean parte‑hartze osoa defendatzea da.

Lan‑prekaritatea, errealitate estrukturala

Gure bide-laguntza jasotzen duten pertsona askok aldi baterakotasunak, nahigabeko lanaldi partzialak eta ezegonkortasunak markatutako enpleguak dituzte.

Salatzen dugu lan‑merkatuak oraindik ere bazterketa eta desberdintasun dinamika ugari sortzen dituela.

Lana izateak ez du beti pobrezia saihesten: lan‑pobrezia egoerak ugaritzen ari dira, bizitza duina eramatea zailduz.

Genero‑arrakala eta iraunkorrak diren desberdintasunak

Genero‑desberdintasunak oraindik ere presente daude enplegurako sarbidean, baldintzetan eta enpleguaren kalitatean.

Emakume asko, bereziki zaurgarritasun handiagoko egoeretan, prekarizatutako eta gutxi aitortutako sektoreetan kontzentratzen dira.

Lan duinerantz aurrera egiteak aukera eta baldintzen benetako berdintasuna ere bermatzea eskatzen du.

Kolektibo zaurgarrientzat sarbide‑zailtasun berezia

Pertsona migratzaileek, emakumeek, 45 urtetik gorakoek edo kualifikazio txikikoek oztopo handiagoak dituzte lan duinerako sarbidean.

Egoera horiek dinamika estrukturalen ondorio dira, eta erantzun kolektiboak eta gizarte‑konpromisoa eskatzen dituzte.

Pertsonen zerbitzura dagoen ekonomia baten alde

Caritas Bizkaiatik pertsona eta on komunaren aldeko ekonomia defendatzen dugu.

Ekonomia solidarioko ekimenak eta laneratze‑enpresak bultzatzen ditugu, lan duin eta zentzudunerako aukerak sortzen dituztenak.

Beharrezkoa da eredu ekonomiko bidezkoago, inklusiboago eta jasangarriagoak garatzea.

Prozesuak lagundu, aukerak sortu

Orientazioaren, prestakuntzaren eta laguntzaren bidez, enplegagarritasuna hobetzeko eta lan duinerantz bideak irekitzeko lan egiten dugu.

Ibilbide pertsonalak balioan jartzen ditugu, pertsona bakoitzaren duintasuna eta gaitasunak aitortuz.

Gizarte‑erantzukidetasunerako deia

Beharrezkoa da administrazio publikoen, enpresa‑ehunaren eta gizarte osoaren konpromiso irmoa.

Lan duinerako sarbidea bermatuko duten eta desberdintasunak murriztuko dituzten politikak aldarrikatzen ditugu.

Lan duinaren alde egitea gizarte bidezkoago eta anai‑artekoago baten alde egitea da, non pertsona orok duintasunez bizi ahal izango duen eta inor atzean geratuko ez den.