Noticia19/09/2022

Ikasturte hasierako kanpaina

Irailaren 24 eta 25eko asteburuan Caritasen lehen kanpaina izango da, eta parrokiekin batera ikasturte pastoralaren hasiera ospatzen dugu (Goazen). Kanpaina honetan, kartelean islatzen diren bi alderdi azpimarratu nahi izan dira. Alde batetik, Frantzisko aita santuaren “etorkizuna ez da monokromatikoa, bakoitzak ekar dezakeenaren aniztasunean begiratzera animatzen bagara” (Fratelli Tutti 100) esaldian oinarritu gara. Elizaren aniztasun hori kaleidoskopio baten kolorean azaldu nahi izan dugu, “Mila Kolore – Hainbat Balore” leloarekin. Horrek guztiak “elkarrekin ibiltzea” beharrezkoa dela azpimarratzen du, Bizkaian kristau komunitatea osatzen dugun pertsona eta ekimen ugarien aniztasunetik, betiere jakitun izanik gure Eliza Nazareteko Jesusekiko konfiantzan eta atxikimenduan errotzen dela.

Bestalde, Eleizbarrutirako Ebanjelizatze Egitasmoa (EEE) martxan jartzean ere oinarrituko da kanpaina: «LA FUERZA DEL TESTIMONIO – LEKUAN LEKUKO», hitzordu biblikoa oinarri hartuta, «Autormen egingo dozue, Neugaz zagoze-eta» (Jn 15, 27). Munduan dugun tokitik, gure begiradatik, gure karismetatik, alaitasunez ospatuz eta itxaropenez zerbitzatuz, berri onaren lekuko bizia izan gaitezen gonbidapen bat da.

Kanpaina honek esker onez hartzen gaitu Ebanjelioaren alaitasunaren adierazgarri diren komunitate abegitsu eta biziak eraikitzeko misioa, gizartea eraldatzen laguntzen dutenak, eta, hortik, irailaren 25ean Migratzailearen eta Errefuxiatuaren Munduko Jardunaldia ere ospatzen dugu, aurten “Etorkizuna migratzaile eta errefuxiatuekin eraiki. Egun honetan, Frantzisko aita santuak, errealitatearen ikuspegi polikromatiko eta poliedrikotik, ahizpa eta anaia guztiekin anaitasun eta justizia mundu bat eraikitzera deitzen gaitu ”lelopean.

Ezagutu eta zabaldu ikasturte hasierako kanpainako material espezifikoak:

kartel

Gutuna

liturgi lagungarria

 

Kerman Lopezek, Bilboko Eleizbarrutiko bikario nagusiak, irailaren 24ko “Goazen!” Ikasturte hasierako topaketan parte hartzera gonbidatu du elizbarrutiko elkartea.