Caritas Bizkaiak Etxebizitzaren aldeko Itun Soziala sinatu du
Etxebizitza-eskubidearen benetako eraketa bizkortzeko konpromiso partekatua
Etxebizitza duintzeko ahaleginean, Caritas Bizkaia 2022-2026 Etxebizitzaren aldeko Itun Sozialaren sinadurarekin bat egin du beste 88 erakunderekin batera. Etxebizitza-eskubidearen benetako eraketa bizkortzeko konpromiso partekatua
Etxebizitza duintzeko ahaleginean, Caritas Bizkaiak uste du etxebizitza desberdintasunen oinarrizko motorra dela, eta funtsezko faktorea gizarte-bazterkeriako dinamiketan. Etxebizitza duina eskuratzea eskubide eskuraezina da etxearen segurtasunik eza eta desegokitasuna pairatzen duten familia askorentzat, eta eragin nabarmena du baliabide ekonomikoetan, osasun-egoeran eta gazteenen bizi-proiektuetan.
Itunak 4 helburu kuantitatibo ezartzen ditu, 2036 arte pixkanaka lortu beharrekoak, eta helburu horiek lortzeko lehentasunezko 6 jarduera-ildo. Hitzarmenaren bidez, helburu kuantitatiboei dagokienez, modu oneko alokairuaren eskaintza publikoa handitu nahi da 50.000 etxebizitzako parke batera iritsi arte, eta egungo birgaitze-mailak bikoiztu nahi dira, euskal etxebizitzek erosotasun-, irisgarritasun- eta energia-eraginkortasuneko baldintza onenak izan ditzaten; hala, Itunak indarrean dirauen 15 urteetan 350.000 etxebizitza birgaitu ahal izango dira (gutxi gorabehera, euskal etxebizitza-parkeko 3 etxebizitzatik 1).
Hauek dira lehentasunezko jarduera-ildoak:
- Etxebizitzan inbertsio handiagoa egitea, zerga-sistema sustatzailearen bidez.
- Etxebizitza-politikaren alderdi sozialean sakontzen jarraitzea.
- Etxebizitza Udalaren agenda estrategikoan sartzea orokortzea.
- Eraikuntza-sektore erakargarria, lehiakorra eta berritzailea eratzea.
- Datuen adimena eta ebaluazio aurreratua.
- Inplikazio eta lankidetza publiko pribatu-soziala.
