GOHIABE errefuxiatuekin gizartean esku hartzeko proiektua

Proiektuaren helburua da, salbuespenez eta arrazoi humanitarioak direla medio, nazioarteko babesa eskatzen eta jasotzen duten pertsonak integratzea.

Caritas Bizkaia Bizkaiko Foru Aldundiaren Goihabe Programa gauzatzen ari da Gurutze Gorriarekin, ZEHAR-Errefuxiatuekin, Ellacuria Fundazioarekin eta Lagungo Fundazioarekin batera 2016. urtetik gaur egun arte.

Goihabe programa Bizkaian dauden asilo-eskatzaileei (izapideak egiteko onartu gabe) eta nazioarteko babesaren onuradunei zuzenduta dago, eta programa osatzen duten erakunderen batekin gizarte- eta hezkuntza-programa bat garatzen ari da. Programa horren helburua da esku hartzen duten agenteen jardun integrala eta koordinatua bultzatzea Bizkaiko lurralde historikoan, errefuxiatuekin integratzeko fasean.

Nabarmendu beharreko alderdi garrantzitsuenetako bat da eskaera ukatu zaien pertsonak ere artatzen direla, hau da, nazioarteko babesaren eskatzaileak eta onuradunak hartzeko eta integratzeko Estatuko sistematik kanpo geratu direnak.

Proiektuaren bidez, jarraipena eman nahi zaie nazioarteko babesaren eskatzaileen, onuradunen edo ukatuen prozesuei, bestela kalteberatasun-egoeran geratuko liratekeelako eta gizarteratze-ibilbideetan atzera egingo luketelako.

Programa honek ibilbideak luzatzea, gaitasunak indartzea eta parte-hartzaileen autonomia eta independentzia sustatzea ahalbidetzen du.

Bizkaiko lurralde historikoan egiten da.

Programa honek Bizkaiko Foru Aldundiaren finantziazioa du, eta Bizkaiko Gurutze Gorriarekin, CEAR Euskadirekin, Ellacuria Fundazioarekin, Lagungo Fundazioarekin eta Caritas Bizkaiarekin lankidetzan egiten da.