2022 Eliza Gizalegezko Lanaren Alde
Eliza Gizalegezko Lanaren Alde
Gizalegezko lana defendatzeko konpromisoaren barruan, Eliza Gizalegezko Lanaren Alde ekimena sortu zen. Ekimen hori kristau-inspirazioko erakundeek eta entitateek osatzen dute: Espainiako Erlijiosoen Konferentziak (CONFER), Ekintza Katolikoko Langile Anaitasunak (HOAC), Justicia y Paz elkarteak, Gazte Ikasle Katolikoek (JEC), Gazte Langile Kristauek (JOC) eta Caritasek. Haren helburua da gizartearentzat ez ezik milioika pertsonen bizitzarako ere funtsezkoa den gai bati buruzko sentsibilizazio-, ikusgarritasun- eta salaketa-dinamikak bultzatzea: giza lana eta gizalegezko lanaren kontzeptua zabaltzea «gure erakundeen barnerantz, Elizarantz, eta, oro har, gizarte osorantz».
Sarean lan egiten dugu gizalegezko lanaren garrantzia eta beharra lehen lerroan ipintzeko, eta horrek zera esan nahi du:
- Pertsonak ipintzea erdigunean, eta lana ekonomiaren eta gutxi batzuen interesen ikuspegitik pentsatzeko eta antolatzeko egungo logika haustea.
- Lanaren zentzua eta balioa enplegutik harago planteatzea: Enplegua modu bidezkoan eta duinean banatzea, eta, orobat, gizartean giza bizitzarako beharrezkoak diren zaintza-lan guztiak aitortzea.
- Enplegu-baldintza duinen alde borrokatzea: pertsonek enpleguan dituzten eskubideak berresteko borrokarik gabe, ezinezkoa da lana humanizatzea.
- Lana eta atsedena modu humanizatzailean artikulatzea.
- Giza eskubideen alde borrokatzea eta eskubideak eta enplegua bereiztea.
Eliza Gizalegezko Lanaren Alde ekimena osatzen dugun erakundeok Gizalegezko Lanaren aldeko Munduko Jardunaldia aldarrikatu eta ospatuko dugu urriaren 7an, eta, ekitaldi horren bidez, agerian utzi nahi dugu lan-munduak bizi duen prekaritatea. Mugitzen gara eta aldarrikatzen dugu:
- Lan baldintzak ikuskatu eta arautzea, duinak izan daitezen.
- Lanaldi-murrizketa aztertzea (batez ere soldaten murrizketa) enplegu duina sortzeko neurri gisa; eta uste dugu zainketen arloan egiten den lana azaleratu behar dela eta dagoeneko lan duin bihurtu.
- Era berean, egoera administratibo irregularrean dauden milioi erdi langile migratzaile behar lan dun batera sarrera bermatzeko, ITDtik #RegularizaciónYA plataformak sustatutako HELekin (Herri Ekimen Legegilea) bat egiten dugu.
- Lanak ez du heriotzara eraman behar, bizitzara baizik; beraz, laneko segurtasuna eta osasuna lehenbailehen sartu behar dira agenda politikoan. Frantzisko Aita Santuaren hitzetan, “hain hedatua dagoen tragedia” hau eragiten duten arrazoiei kasu egin behar zaie, eta saihestu daitekeen hainbeste familia langileren drama honi irtenbideak bilatu.
2022ko kanpaina
Eguna dela eta, Lan duinaren aldeko Eliza ekimenak manifestu bat jarri du abian, «Konpromisorik gabe ez dago lan duinik» goiburuarekin, lana pertsonak, guztion ongia eta planeta zaintzeko eskubide eta jarduera gisa ospatzeko eta aldarrikatzeko.
Lan-munduko azken aurrerapenek, negoziazioaren eta gizarte-akordioaren ondorioz, politika zehatzak ekarri dituzte, eta, LANEren orientazioei jarraituz, pertsonengan eta lan duinean oinarritutako indarberritzeari erantzuten diote. Hasitako bidea zuzena izan arren, gure herrialdean, gaur egun ere, lan-esparruan eskubide gehiegi urratu dira. Zure konpromisoa eta egoera horiekiko sentikorrak garenena ezinbesteko erantzuna dira kalitatezko enplegurako.
Kristau komunitate osoak, eskura dituen bitarteko guztien bidez, agerian jarri eta salatu behar ditu lan duina lortzeko desberdintasunak eta horrek dakarren duintasun ukapena.
Guztiok egin dezakegu zerbait gure erakunde, parrokia edo konpromiso-tokietatik.
