Urriak 1: Adinekoen Nazioarteko Eguna. Eskerrik asko Caritasen etengabe erakusten duzuen konpromisoagatik!

• 1991tik, Nazio Batuen Erakundearen ekimenez, urriaren 1ean Adinekoen Nazioarteko Eguna ospatzen da mundu osoan.
  
• Aurten, Caritas Bizkaiatik gure erakundean boluntariotza ‘praktikatzen’ duten edadetuengan jarri nahi dugu arreta, eta etengabe erakusten duten konpromisoa eskertu nahi diegu.
  

Gure erakundeko boluntarioen zati handi batek 65 urte baino gehiago ditu. Pertsona horietako batzuek konpromiso-ibilbide luzea dute, eta elkartasuna praktikatuz zahartu dira, beren izatea, jakintza eta presentzia besteen zerbitzura jarriz. Beste batzuk beren lan-ibilbidearen amaieran hurbildu dira, edo familiaren zaintzak dedikazio gutxiago eskatzen dienean eta denbora gehiago dutenean. Badira, halaber, gizarteak ekarpenak egiteko zaharregitzat jotzen dituen une batean boluntariotzan parte hartzeko deia sentitzen dutenak. Pertsona horiek guztiak gure proiektuen funtsezko zutabeak dira, eta aitortzen ditugu beren konpromisoa, iraunkortasuna, konstantzia eta uzten duten ondarea.

Caritas Bizkaiako Edadetuen eta Zahartzearen Arlotik zahartzeari buruzko beste begirada bat sustatu nahi dugu, pertsonen eta haien bizitzaren balioa aitortuko duen begirada, adina edozein dela ere. Horregatik, gaur bihotz-bihotzez eskerrak eman nahi dizkiegu beren bizitzaren zati bat, behar duten laguntza hori eskaintzeko, edozein adinetako pertsonei laguntzen ematen duten edadetu guztiei. Eskerrik asko!