Caritasetik etorkizuna lortzeko 8 proposamen politiko egin ditugu. Etorkizun hori ez da urruna, ez da zaila lortzea, eta pertsona guztiak hobeto bizi ahal izango dira.

#EzDaZientziaFikzioa. Bidezko etorkizuna da.

Giza eskubideak
Giza eskubideen nazioarteko zuzenbidearen eraginkortasuna bermatzea.

Izan ere, laguntza medikoa, etxebizitza, gizarte-zerbitzuak, elikadura, jantziak, egoera jakin batzuen aurreko babesa… bermatzeak pertsona guztiek bizi-maila egokia izatea ahalbidetzen du.

Etxebizitza
Etxebizitza galtzeari aurre hartzea.

Etxe batean bizitzea baita bazterkeria-arriskuan dauden familien kezkarik handiena. Milioika pertsonak dagoeneko sufritzen duten etxegabetasun-egoera izatea saihestu behar dugu.

Zainketak
Zainketen Plan Integrala garatzea.

Izan ere, zainketak ezin dira horiek ordaintzeko baliabideak edukitzearen menpe egon. Lana onartzen ez zaion senide bati ere ez zaizkio egokitu behar (ia beti emakume bati). Estatuak zainketak bermatu behar ditu eta zaintzaileek lan baldintza egokiak izan behar dituzte.

Administrazio hurbila
Administrazio hurbila gizarte guztiarentzat

Izan ere, pertsonek eskubidea dute administrazioarekin nola erlazionatzen diren aukeratzeko eta administrazio-izapideak egiteko laguntza izateko, bitarteko elektronikoak izan ala ez, eta bizi diren lekuan bizi direla.

Enplegua
Enplegu duina eta inklusiboa pertsona guztientzat

Izan ere, Enplegu Sistema Nazional modernoa eta garai berrietara egokitua behar dugu, inor atzean utziko ez duena, eta, gainera, langile guztien lan-eskubide guztiak bermatu behar ditu.

Migrazioak
Pertsona migratzaileentzako erregularizazio bide berriak.

Atzerritarren errealitatea askotarikoa delako, baina erregularizatzeko aukerak, ia esklusiboki, lan-kontratu baten bidez ematen dira, beste irizpide batzuk kontuan hartu gabe. Erregularizatzeko aukerarik ez dutenez, haien gizarte-egoera ahulagoa da.

.

Indarkeria matxista
Emakumeak indarkeria matxistaren aurrean eraginkortasunez babestea.

Izan ere, legeetan jasotako indarkeria matxistaren kontzeptuak kanpoan uzten ditu kontuan hartu beharreko emakumearen aurkako indarkeria mota batzuk. Gainera, babes neurriak eta prestazio jakin batzuk eskuratzeko baldintzak aldatu egiten dira bizi diren lurraldearen arabera.

Nazioarteko lankidetza
Herrialde guztietan gizarte zibila indartzeko politikak.

Izan ere, estatu askotan lege errepresiboak ugaritzen ari dira, adierazpen-, partaidetza- eta bilera-askatasuna… mugatzen dutenak Gainera, jazarpenak areagotzen ari zaizkie erkidegoetako buruei eta giza eskubideen defendatzaileei.

Ez dugu 2087 arte itxaron behar. Borondate politikoa behar dugu hurrengo legegintzaldian.

Imajinatzen dugun etorkizuna ez da etorkizun urruna, datozen urteetan lor dezakegun etorkizuna da, pertsona ahulenak agenda politikoaren erdigunean jartzen baditugu.

Caritasen lanean dihardugu alderdiek gure proposamenak beren hauteskunde-programetan sar ditzaten eta hurrengo legegintzaldian ezar ditzaten.