GANDARIAS ETXEA

Zertan datza proiektua?

GANDARIAS ETXEA emantzipazio-prozesuan dauden 18 eta 23 urte bitarteko gazte, emakume eta gizonei zuzendutako arreta integraleko proiektua da. Laguntza-sare bat eskaintzea du helburu, pertsona horiei helduarora igarotzen laguntzeko eta gizarteratze-prozesuak errazteko.

Proiektuak eguneko zerbitzua eta egoitza-zerbitzua konbinatzen ditu, eta gizarte- eta hezkuntza-arloko laguntza, laguntza pertsonala eta erreferentziazko espazioak eskaintzen ditu, autonomiarako trebetasunak garatzen eta norberaren bizi-proiektua eraikitzen laguntzeko.

GANDARIAS ETXEA Caritas Bizkaiatik garatzen da, berau bultzatzeaz eta kudeatzeaz arduratzen da erakundea, eta Bizkaiko Foru Aldundiaren, Enplegu, Gizarte Inklusio eta Berdintasun Sailaren, finantziazioa du. Proiektuaren helburua da parte hartzen duten gazteei laguntza pertsonala, soziala eta hezitzailea ematea autonomiarako trantsizioaren funtsezko etapa honetan.

Eguneko zerbitzua
Proiektuak eguneko zerbitzuko 25 plaza ditu. Gizarteratzeko Zerbitzuaren gazteei arreta emateko estrategian parte hartzen duten 18 eta 23 urte bitarteko gazteen gizarteratze-premiei erantzutera bideratuta dago baliabide hau. Zerbitzu horren bidez, balio anitzeko prestazioen multzo bat eskaintzen da, besteak beste, gizarte- eta hezkuntza-arloko laguntza, gizarteratze-prozesuetako laguntza eta bizitza autonomorako gaitasun pertsonalen garapena.

Egoitza-zerbitzua
Proiektuak egoitza-arretarako 15 plaza ere baditu. Parte-hartzaileek testuinguru egituratuagoa eta laguntza handiagoa behar duten kasuetan, eguneko zerbitzuaren esku-hartzea egoitza-baliabide horrekin osatzen da.

Egoitza-zerbitzuak intentsitate handiko laguntzak ematen ditu, pertsonarengan oinarritutako arreta eta arreta indibidualizatzeko printzipioetan oinarrituta. Estaldura osoa eskaintzen du prestazio tekniko eta osagarrietan, hala nola ostatuan, mantenuan, higienean eta garbiketan, batez ere laguntza-prozesuaren hasierako faseetan.

Egoitza-baliabide hori ez da zerbitzu independente gisa ulertzen, programaren barruan eguneko zerbitzutik garatzen den gizarte- eta hezkuntza-prozesuaren laguntza osagarri gisa baizik.

Zein da proiektuaren xedea? 

Erreferentziazko esparru fisikoa da, eta bertatik bideratuko da parte-hartzaileekiko esku-hartzea. Horretarako, beharrezko prestazio teknikoak emango dira, une bakoitzean detektatutako edo diagnostikatutako premien arabera behar dituzten intentsitate handiko edo ertaineko laguntzekin. Alde horretatik, zerbitzua ez da soilik parte-hartzaileek eguna igarotzeko espazio fisiko gisa ulertzen, baizik eta zerbitzuaren edo zentroaren egituratik harago eta ohiko testuinguruan (ingurune komunitarioan, etxebizitzan edo ohiko bizitokian) esku hartzeko aukera ematen du.

Lantaldea 4 gizarte-hezitzailek, eguneko zerbitzuko bi gizarte-integratzailek, gizarte-langile batek, psikologo batek eta egoitza-zerbitzuko 4 integratzailek eta laguntzaile batek eta boluntarioek osatzen dute.

Non burutzen da? 

GANDARIAS ETXEA proiektuaren prestazioak Bilboko hainbat espaziotan garatzen dira:

Eguneko zerbitzua

• Hurtado de Amezaga kalea, 22 – 1.a, Bilbo
• Langaran kalea 5, Bilbo. Caritas Bizkaiako EKIN zentro komunitarioa.

Egoitza-zerbitzua

• Hurtado de Amezaga kalea 22, 2. solairua, Bilbo

Nork kudeatzen du? 

Proiektu hau Bizkaiko Foru Aldundiko Enplegu, Gizarte Inklusio eta Berdintasun Sailarekin hitzartuta dago.

Bestalde, ELZ, enplegu-azeleragailua eta egoitza-plazak dauden zentroak 600 metro karratu baino gehiago ditu, eta Carmen Gandarias Fundazioak uzten ditu.