GANDARIAS ETXEA Eguneko Arreta Zentroa
Zertan datza proiektua?
Gandarias Etxea eguneko arreta zerbitzua Bizkaiko Foru Aldundiaren Inklusio Sailaren Estrategia Gaztearen barnean kokatzen da.
Emantzipazio prozesuetan laguntzeko balio anitzeko zerbitzu bat da. Bertan akonpaimanendu indibidualizatua bermatzen da eta gizarteratzeko ibilbidea indartu eta sendotzera bideratutako zenbait prestazio eta ekintza hedatu eta garatzen dira.
Gizarte akonpainamendua, esku-hartze sozial eta heziketakoa eta psikosoziala (hezkuntzaren alorrean, alderdi psikosozialean eta okupazionalean) eta bitartekaritza. Prestazio horren bidez konpetentzia sozialak garatu eta pertsonaren eta ingurunearen (familia, taldea edo komunitatea) arteko elkarrekintza hobetu egiten da eta bizimodu independente baterako laguntza eskaintzen da arreta pertsonalerako eta etxeko arretarako prestazio tekniken barnean tresnak eta heziketa emanez.
Nori dago zuzendua proiektua?
Bazterkeria baloratu zaien gazteei dago zuzendua, Bizkaiko Foru Aldundiko Inklusio sailak eratorri dituenak, 18-23 urte bitartekoak.
Zein da proiektuaren xedea?
Erabiltzaileekin egiteko esku-hartzea bideratzeko baliatuko den erreferentziazko esparru fisikoa da. Erabiltzaile horiei beharrezkoak diren prestazio teknikoak emango zaizkie intentsitate handiko edo ertaineko laguntzekin, une bakoitzean hauteman edo diagnostikatutako beharrezkoak zaizkien premien arabera. Ildo horretatik, zerbitzua ez da soilik erabiltzaileek eguna igarotzeko erabilgarri duten espazio fisiko huts modura ulertzen, aitzitik, haiekiko esku-hartzea artikulatzeko aukera ematen duen espazio bat da, zerbitzuaren edo zentroaren berezko egituratik eta ohiko testuingurutik (komunitatea, etxebizitza edo ohiko alojamendua) harago.
Taldea lau gizarte hezitzailek, psikologo batek eta Bizkaiko Caritaseko boluntarioek osatzen dute.
Non burutzen da?
Gandarias Etxea Bilboko Hurtado Amezaga etxean lekutzen da.
Nork kudeatzen du?
Proiektu hau Bizkaiko Foru Aldundiko Inklusio, Berdintasun eta Enplegu Sailak itundua da.
Bestalde, zentroak 600 metro koadro baino gehiago ditu. Bertan kokatzen dira EAZ zerbitzua, enplegu bizkorgailua eta bizitegiko plazak, eta espazio hori Carmen Gandarias Fundazioak laga du.
