Enplegu-azeleragailuak gazteen gizarteratzea eta laneratzea babesten jarraitzen du 2024an

Enplegu-azeleragailua Caritas Bizkaiaren Gazteen Enplegurako proiektuetako bat da, gizarteratzeko eta laneratzeko zailtasun handienak dituzten 18 eta 25 urte bitarteko gazteen emantzipazioari laguntzeko; zehazki, Gandarias Etxeko Caritasen eta Bizkaiko beste egoitza-zentro batzuen ostatu-zerbitzuari laguntzeko.

Duela gutxi, Bizkaiko Foru Aldundiko Enplegu, Gizarte Kohesio eta Berdintasun Sailarekin lankidetza berritu da 2024rako, eta “Gazte Estrategiaren” azeleragailua osatu da.

Laguntza aktibazioko, orientazioko, prospekzioko eta lan-bitartekotzako ekintzetan datza, eta laneratze-emaitzak % 60 ingurukoak dira urtero. Kalitatezko kontratazioak sustatzen ditugu, bizitza autonomoa egin ahal izateko; beste batzuetan, aldiz, aldi baterako kontratuak edo kontratu partzialak dira, lan-merkatu arruntera hurbiltzen dituztenak eta hainbat sektore eta lanbidetan “probatzea” ahalbidetzen dietenak.

Gure ustez, prestakuntza funtsezko elementua da enplegagarritasuna hobetzeko. Horregatik, aholkularitza pertsonalizatua ematen da beren beharretara eta interesetara egokitutako prestakuntza-eskaintzak bilatzeko, eta, gainera, prestakuntza-prozesuetan eta/edo lanekoak ez diren praktiketan laguntzen zaie, ahalik eta aprobetxamendurik handiena lor dezaten.

Azeleragailuan egon ondoren, gazte bakoitzak lana eraginkortasunez eta arrakastaz bilatzeko informazioa, gaitasunak eta trebetasunak eskuratzea nahi dugu.