Boluntariotzaren nazioarteko eguna

Gaur abenduak 5, boluntariotzaren nazioarteko eguna, konpromisoaren bihotza ospatzen dugu, errealitateak eraldatzen dituen indar solidarioa: BOLUNTARIOTZA

Caritas Bizkaian 1.800 pertsona baino gehiagok osatzen dute itxaropenez, justiziaz eta maitasunez jositako emanaldi eskuzabala.

Boluntariotza honen aldeko apustua egiten dugu:

ARGITZEA, ez baitugu bidegabekeria isiltasunarekin legitimatu nahi. Inor kanpoan geratuko ez den gizarte inklusibo batean sinesten dugulako. Itsutasunaren eta inguruan dugun amnesiaren aurrean, boluntarioek ikusi nahi ez dutena ikusten dute. Eta ikusten duen bihotz horretatik kontatzen dute zer gertatzen den.

LOTZEA, urrunak diruditen ertzen artean zubiak eraikitzea, topaketaren kultura sustatzea. Boluntarioak entzuten duen giza zubi hori dira, hurbiltasunetik laguntzen duena.

PARTE HARTZEA, lankidetzaren bidez parte-hartzea sortzea. Boluntarioek, gauzak egiteaz gain, auzoan, komunitatean, ingurunean… inplikatzen dira.

BIRSORTU, begiak zabalik amets egin. Boluntarioek utopiaren aldeko apustua egiten dute, gizarte justu eta anaiarteko baten aukeran sinesten dutelako.

OSPATU esker onez urrats bakoitza, lorpen bakoitza, porrot bakoitza, topaketa bakoitza. Boluntarioek lantaldeekin, bide-laguntza jasotzen duten pertsonekin, beste erakunde batzuekin… ospatzen dute. Ospatu beti.

Eskerrik asko Caritas Bizkaiako boluntario guztiei, hainbeste itzalen erdian argia izateagatik. Eskerrik asko erakusteagatik, lotzeagatik, birsortzeagatik eta ospatzeagatik. Eskerrik asko Caritas izateagatik.