Caritas Bizkaiak 3.000 errazio eta txokolate solidario banatu ditu haurtzaroko proiektuei laguntzeko
Bilbo, 2026ko urtarrilaren 5a. Caritas Bizkaiak Opil Solidarioaren XXII. edizioa ospatu du gaur Bilboko Plaza Barrian. Sentsibilizazio- eta elkartasun-jardunaldia izan da, eta 3.000 opil errazio eta txokolate bero banatu dira 2 euroko dohaintza sinboliko baten truke, oso-osorik erakundearen haurtzaroko eta familia-laguntzako proiektuetarako.
Ekitaldian ordezkaritza instituzional eta sozial zabala izan da. Bertan izan dira, besteak beste, Joseba Segura Bilboko gotzaina, Nerea Melgosa Eusko Jaurlaritzako Ongizate, Gazteria eta Erronka Demografikoko sailburua, Xabier Legarreta Gazteria eta Erronka Demografikoko sailburuordea, Itziar de la Peña Hirugarren Sektore Soziala eta Gizarte Ekintza Sustatzeko zuzendaria, Teresa Laespada Enplegu, Gizarte Kohesio eta Berdintasuneko foru diputatua, Amaia Antxustegi Gizarte Ekintzako foru diputatua, Ignacio Rodriguez Gizarte Kohesioko zuzendari nagusia, Oscar Seco Gizarteratze zuzendari nagusia, Maite de Iturrate Administrazio eta Gizarte Sustapeneko zuzendari nagusia eta Juan Ibarretxe Bilboko Udaleko Gizarte Ekintzako zinegotzia.
Era berean, Bizkaiko gizarteko ordezkariek, Isabel Iturbe Bilbao Basketeko presidenteak eta Joseba Iraola rallyetako pilotuak parte hartu dute, besteak beste.
Gaur egun, Caritas Bizkaiak 4.000 familia baino gehiagori laguntzen die, non adingabeak dauden, 1.600 haur eta neraberekin zuzenean lan egiten du eta 30 gizarte- eta hezkuntza-proiektu garatzen ditu, egunero 560 adingabe artatzen dituztenak Bizkaiko hainbat tokitan.
FOESSAren azken txostenaren arabera, adingabeen % 20 pobrezian edo gizarte-bazterketako egoeran bizi da, eta errealitate horrek bereziki eragiten die seme-alabak dituzten familiei, horietako askok zailtasun handiak baitituzte etxebizitzaren kostuari aurre egiteko.
Testuinguru honetan, Caritas Bizkaiako zuzendariak, Elena Unzuetak, herritarrei aktiboki inplikatzeko deia egin die: “Elkartasunezko opil hau elkarlanerako gonbidapena da: denbora emanez, boluntarioekin bat eginez edo ekarpen ekonomikoak eginez, haurrei eta familiei laguntzen jarraitzeko aukera ematen digutenak. 2026 Boluntariotza Iraunkorraren urtea da, eta gogorarazi nahi dugu keinu bakoitzak balio duela eta elkartasuna konpromisoz eta hurbiltasunez eraikitzen dela “.
Unzuetak gogorarazi du 1.800 boluntario baino gehiago daudela Caritas Bizkaian, eta erakundeak ateak irekita dituela modu egonkor edo puntualean inplikatu nahi dutenentzat.
Edizio honetako nobedade gisa, Opil Solidarioaren I. Ipuin Lehiaketa antolatu da, non 6 eta 17 urte bitarteko haurrek parte hartu duten, Bizkaiko 10 ikastetxe baino gehiagotakoak. Sari-banaketa goizean egin da, Jakinbide liburu-dendaren babesarekin.
Era berean, Talde Iraunkorreko gazte-talde batek ekitaldian sortutako hondakinak behar bezala eta birziklagarrian kudeatzen lagundu du, Boluntariotza Iraunkorraren Urtearen esparruan.
Opila EuskofrizBidfoodek egin du, Lapiko Catering-ekin koordinatuta eta GASCA Catering-en laguntzarekin. Txokolatearen osagaiak Kaikuk (esnea) eta Baquek (kakaoa) eman dituzte.
Ekitaldiak Laboral Kutxaren eta Zurekin Busen babesa izan du, baita Zazpi Kaleak Zazpikaleetako Merkataritza, Ostalaritza eta Enpresen Elkartearena ere.
Caritas Bizkaiak gogorarazi du Plaza Berrira hurbildu ezin izan diren pertsonek ere lagun dezaketela 33514 Bizumaren bidez.
Erakundeak erakundeen, enpresa laguntzaileen, boluntarioen, profesionalen eta herritarren inplikazioa eskertu du, eta azpimarratu du 2 euroko ekarpen txiki bat funtsezkoa dela haurren eta familia-laguntzaileen proiektuei eusten jarraitzeko.
