Caritas Bizkaiak BIHOTZONDOZ ERATURIK proiektua bultzatu du balioetan oinarritutako hezkuntza indartzeko
Hezkuntzaren Nazioarteko Eguna dela eta, Caritas Bizkaiak ikastetxeek gaur egun duten erronka handienetako bat azpimarratu nahi izan du: balioetan heztea ziurgabetasunak, aldaketa bizkorrek eta gizarte-konplexutasun gero eta handiagoak zeharkatzen duten gizartean.
Testuinguru horretan, erakundeak BIHOTZONDOZ ERATURIK proiektua bultzatzen du, hezkuntza-ingurunea osatzen duten eragileei zuzendutako gizarte-sentsibilizazioko ekimena, eskola gizarte-errealitatera zabaltzeko eta ingurunean inplikazio kontzienteagoa eta aktiboagoa bultzatzeko sortua.
Ezagutzak transmititzearekin batera, hezkuntzak gaur egun haur eta gazteei laguntzen die inguruko errealitatea ulertzen, errespetutik erlazionatzen, gatazkak elkarrizketaren bidez konpontzen eta gizarte-bizitzan modu aktibo eta arduratsuan parte hartzen. Hala jasotzen du hezkuntza-curriculumak berak ere, bere helburuen artean jartzen baitu balio-sistema propioa eraikitzeko eta bizikidetza baketsu eta demokratiko baterako konpromisoa hartzeko gai diren pertsonak prestatzea.
Caritas Bizkaiak gogorarazi du zeregin hori ezin dela eskolan bakarrik egin. “Balioetan heztea erantzukizun partekatua da. Irakasleen, familien, ikasleen eta inguruko gizarte-eragileen inplikazioa behar du“, adierazi dute. Bere ustez, eskola errealitate sozialera zabaltzea eta inguruko erakundeekin aliantza egonkorrak egitea inoiz baino beharrezkoagoa da gaur egun.
Gizarte-errealitatea ikasgelara hurbiltzeko proiektua
Proiektuak esperientzia maila ezberdinak konbinatzen dituen ibilbide bat proposatzen du. Batetik, gizarte-errealitate jakinekin harreman zuzena izatea, Caritas Bizkaiaren hitzaldien, dinamiken eta proiektuen bisiten bidez. Bestetik, hausnarketarako eta elkarrizketarako guneak, material pedagogikoetan eta metodologia parte-hartzaileetan oinarrituta. Eta, azkenik, beste urrats bat emateko gonbita, esperientzia solidarioak, ekintza puntualak edo boluntariotza-prozesuak erraztuz.
“Creemos en el valor del trabajo en red y en acompañar a las personas que hoy se están formando y que mañana serán parte activa de la sociedad. Ahí es donde se siembra un capital social capaz de ir transformando poco a poco nuestro entorno”, explican las responsables del proyecto. Por ello, “formar personas conscientes, críticas y comprometidas con la justicia social exige sumar esfuerzos entre escuela y entorno social. Nadie puede hacerlo solo”, subrayan.
“Sareko lanaren balioan sinesten dugu, baita gaur prestatzen ari diren eta bihar gizartearen parte aktibo izango diren pertsonei bide-laguntza ematen ere. Hor ereiten da gure ingurunea pixkanaka eraldatzeko gai den kapital soziala “, azaldu dute proiektuaren arduradunek. Horregatik, “justizia sozialarekin kontziente, kritiko eta konprometituak diren pertsonak prestatzeak eskolaren eta ingurune sozialaren artean ahaleginak batzea eskatzen du. Inork ezin du hori bakarrik egin “, azpimarratu dute.
