KABIA. Gaueko harrera zentroa

Zertan datza proiektua?

Laguntza-intentsitate txikiko dispositiboa da, bazterketa-egoeran dauden pertsonei, bereziki etxerik gabekoei, gaua pasatzeko baliabide bat eskaintzen diena, eta, berehala, gaua igarotzeko, mantenurako eta higiene pertsonalerako oinarrizko prestazioak.

Bi pisu ditu, horietako batek gizonentzako 5 plaza ditu, eta beste batek emakumeentzako 3 plaza. Guztira 8 plaza.

Egonaldiak iraupen laburra-ertaina du, eta gehienez 6 hilabeteko epea ezartzen da. Behar izanez gero, luzatu egin daiteke, bazterketa baloratu arte, eta, hala badagokio, horren ondoren, bigarren mailako arretako baliabideak eskuratu arte.

Modu iraunkorrean funtzionatzen du, urteko gau guztietan.

Nori dago zuzenduta?

Proiektua gizarte-bazterkeriako egoeran dauden eta aldi baterako bizitokia behar duten Galdakaoko pertsonei zuzenduta dago.

Zein da proiektuaren helburua?

Hartzaileen gizarteratzea bultzatzea, haien garapen-prozesuaren subjektu izan daitezen eta ahalik eta autonomia, parte-hartze eta eskubide gehien eskura ditzaten sustatuz, gauez bertara joateko espazio baten bidez, elikadura- eta higiene-premia oinarrizkoak asetzeko eta gizarte-zerbitzuekin lotzeko.

Non egiten da?

Galdakaon egiten da.

Nork egiten du posible?

Proiektu hau posible da Caritas Bizkaiaren eta Galdakaoko Udalaren arteko lankidetza hitzarmenari esker.