Haurrak eskubide osoko pertsonak al dira?

Goizero, haurrek hartu ez dituzten erabakien emaitza den mundu batean esnatzen dira. Baina munduko haur guztiak ere eskubideekin esnatzen dira.

Izan ere, haurrak eskubideak dituzten pertsonak dira. Baieztapen hori, gaur egun, hain normalizatua iruditzen zaigu eta 1959ko haurren eskubideen deklarazioan jasotzen zena, ez da beti horrela ulertzen, ezta leku guztietan ere. Ohikoa da haurrak etorkizuneko pertsonatzat edo eraikitzen ari diren pertsonatzat hartzea, eta, horren ondorioz, ez dira beti eskubideen subjektutzat hartzen.

Betidanik, Caritasek txikienak, ahulenak zainduko dituen gizarte baten aldeko apustua egin du. Haurrak gure gizartearen etorkizuna izateaz gain, zaindu eta babestu beharreko oraina dira, pertsona guztientzako gizarte justuago bat lortu nahi badugu.

Presek eta egungo bizitzaren erritmoak adingabeei beren infantzien zati bat kentzen diete, haur izateko denbora. Horregatik, Caritasek apustua egin du ez haur batek ere ez dezan atzera egin oinarrizko eskubideen babes-mailetan, hala nola elikaduran, osasunean edo hezkuntzan, baita maila afektiboetan ere, hala nola ilusioan, iragarrian, aisialdian, maitasunean edo adiskidetasunean, segurtasuna eta hurbiltasuna ematen baitute.

Gaur bezain egun seinalatuan, ezin aipatu gabe utzi, gure erkidegoan 2024an onartutako Haur eta Nerabeen Legea. Lege-arloan oso urrats garrantzitsua da, Euskadin haurren eta nerabeen eskubideak babesteko eta sustatzeko esparru integrala ezartzen baitu.

Caritas Bizkaiak apustu sendoa egin du zentzu horretan, eta duela urte batzuetatik hona hainbat urrats egiten ari gara gure espazioak haurren aurkako indarkeria-mota ororen espazio libre ez ezik, haurren eskubideak aitortzeko eta aldarrikatzeko gune ere izan daitezen.