Gaztelania | Euskera

MEMORIAK

Txostena 2020

Gogora ekartzea bizitako historia gogoratzea da, eta gure historia
dela onartzea, bide horrengatik eskerrak emanez eta ikasitakoa
gogoan hartuz.

Esku artean duzun memoria honetan, 2020ko datu eta dimentsiorik aipagarrienak jaso ditugu. Konpromisoa, nortasuna, gertutasuna eta doakotasuna adierazten dute, baina, batez ere, gure inguruan bizi diren pertsona babesgabeenen errealitatea ikusarazi nahi dute. Dokumentu honen bidez, bide-laguntza jaso eta ematen duten guztiei eman nahi dizkiegu eskerrak; baita boluntario, bazkide eta langileei ere. Ea gure ekintza partekatuaren zentzua bere osotasunean adierazteko balio duen. Eskerrik asko.

 

Gure 2020ko memoriarako esteka

 

Txostena 2019

Azken hilabeteotan bizitakoaren esperientziak agerian utzi du zein garrantzitsuak diren politika publikoak; izan ere, egoera batzuetan herritarren bizi-kalitatea babesteaz gain, bizia bera babestu beharra izaten da. “Publikotasuna” berreraiki eta sendotu behar dugu, Denon Ongizatearen ideiaren inguruan. Administrazio publikoek erantzukizun erabatekoa dute horretan, eta gizarte zibilak ere parte-hartze aktiboa izan behar du, ondo antolatuta. Hori dela eta, sistema publikoak sendotzeko aldarria egin nahi dugu, herritar guztien eskubide sozialak bermatzeko. Une honetan, Denon Ongizatea eraikitzeko, honako urratsak jarraitu behar ditugu:

  • Bizitza eta pertsonen zaintza gizarte ereduaren zentrora eramatea.
  • Lan duinaren aldeko apustua jarduera-eremu guztietan, bereziki zainketa eta zerbitzuen arloan.
  • Herritar guztientzat pobreziaren aurka babesteko gutxieneko diru-sarrera batzuk bermatzeko politika publikoak garatzea.
  • Etxebizitzaren gaiari heltzea, bizitza duina izateko eskubide gisa azaleratuz, eta ez soilik merkataritza-ondasun legez.
  • Harreman pertsonal eta komunitarioen balioaz ohartzea, baita harreman tranzendentalena ere, loturarik gabeko gizarte indibidualista honetatik irteteko aukera gisa. Giza balioak indartzea, ahul eta babesgabeenak alde batera ez geratzeko (hala esaten digute Nafarroa eta Euskadiko Gotzainek Pastoraltza Gutun bateratuan).

Gure konpromisoa aldatuz doazen egoerei erantzuna ematea da, kristau komunitatearen boluntariotzaren eta gizarte osoaren elkartasunaren bidez. Aldarrikapen hauek horrekin bat egiten dute.

 2019ko txostena deskargatu

 

 

2018. urteko Cáritas Bizkaia Txostena
2017. urteko Cáritas Bizkaia Txostena