Gaztelania | Euskera

Zorionak, “Egunon Etxea”!!!

EGUNON ETXEAK ALDE ZAHARREKO BALKOI LEHIAKETA IRABAZI DU: Zorionak, “Egunon Etxea”!!! Caritas Bizkaiak edadetuentzako eguneko zentro bat dauka Bilboko Alde Zaharrean, “EGUNON ETXEA”, eta “Balkoien dekorazio lehiaketan” bi sari lortu ditu: • LEHENENGO SARI NAGUSIA, epaimahaiak emana, eta • PUBLIKOAREN SARIA, herri bozketa bidez erabakia. Zorionak zentroko pertsona guztiei eta eskerrik asko epaimahaiari, botoa eman diguzuen pertsona guztiei eta Alde Zaharreko Merkatari Elkarteari, ekimena antolatzeagatik. ESKERRIK ASKO BERRIRO DENORI!!!

ESKAERA BETETA:

Adiskide maiteok: Caritas Bizkaiaren izenean, Apostoliken Jantoki Sozialean (Indautxu, Bilbo) txanda bat gehiago emateko aukera eskaini dugu. Horrela, normalean arreta jasotzen duten pertsonei (aurtengo pertsona kopurua iazkoa baino %25 handiagoa da) zein Hegoaldeko Mugatik etortzen ari diren eta bidea jarraitu behar duten migratzaileei arreta emango genieke, Gurutze Gorriari ere lagunduz, azken pertsona horientzat prestatu duen dispositiboari ekarpena eginez. Horrela izanik, uztailaren 16tik aurrera, astelehena, gutxienez hiru boluntario beharko ditugu egunean (astelehenetik igandera), 13:45etik 15:00etara bitartean bazkariak emateko. Ahal duzuen pertsonek, mesedez bidali mezu bat boluntarioen arduradunari, mlaiseca@caritasbi.org, zerbitzu hori eman dezakezuen egunak adieraziz. Eskerrik asko zuen konpromisoagatik. Carlos Bargos (Caritas Bizkaiako Zuzendaria). ESKAERA BETETA: Caritas Bizkaiaren izenean, eskerrak eman nahi ditugu; alde batetik, Bilboko “Apostoliken”…

“DUINTASUNA EREITEN” ABIATU GENUEN

“DUINTASUNA EREITEN” ABIATU GENUEN GORDEXOLAN Maiatzean “Duintasuna Ereiten” proiektua abiatu genuen, Gordexolako baratze sozialen ingurukoa. Caritasek zuzentzen du eta hogei parte-hartzaile inguru bildu dira. Gizakia Fundazioak aldi baterako laga digu lurra, EDP Fundazioak finantzaketan lagundu du eta Bilboko Elizbarrutiko Caritaseko II Bikaritza eta Enplegu arloko taldea lan eta gizarte arloko bide-laguntza ematen ari dira. Horiei guztiei esker gauzatu da ekimena. ‘Duintasuna Ereiten’ proiektuaren bidez, nekazaritza eta elikadura arloko gizarteratze-enpresa bat martxan jartzeko ideia sortu da. Oraindik azterketa fasean dago, Sendotu Aldiberean erakundearen Euskadiko programaren barruan.    

OMENALDIA BASAURIN (BesteBi)

Etxebizitza eskuratzearen aldeko eta ‘Etxerik gabeko Pertsonen’ aldeko “BESTEBI” PLATAFORMAK, Basaurin duela gutxi hildako etxegabeko pertsonaren, Manuelen, aldeko elkarretaratzea eta omenaldia egin ditu gaur, uztailak 5, eguena, 11tan,San Pedro plazan (BASAURIn). ‘BESTEBI’ AGIRIA: ‘BESTEBI’ PLATAFORMAK ETXERIK GABEKO BESTE PERTSONA BATEN HERIOTZA SALATU DU BERRIRO Etxebizitza-bazterkeriaren kontrako eta «Etxerik gabeko pertsonen» aldeko «BesteBi» plataformak salatu egin nahi du Basauriko herritar baten heriotza; herrian hilik agertu zen joan den igandean. BesteBi > Basauri, 2018ko uztailaren 5a.- Beste behin, pertsona bat hil egin da Bizkaiko kaleetan. ‘BesteBi’ plataformaren izenean, bat egin nahi dugu bere senide eta lagunen minarekin. Manuk, Bilbotar jatorriko 58 urte inguruko basauriarrak, 2 urte baino gehiago zeraman Basaurin bertan bizitzen. Denbora honetan, sare informala sortzea…

Munduko Arrozak #15

15 urte kulturarteko hartu-emona bultzatzen Munduko arrozen bidez http://www.bizkeliza.org/eu/barria/15-urte-kulturarteko-hartu-emona-bultzatzen-munduko-arrozen-bidez/ 2018.06.14 |  Munduko arraozak ekimenaren hamabosgarren ekitaldia ospatuko da datorren zapatuz San Frantzisko auzoan, Bilbo Zaharra, San Frantzisko eta Zabala auzoetako taldeen koordinadorak suspertuta. Antolatzaileen esanetan, “dei egin gura dogu, beste behin be, auzo honeetako kulturarteko hartu-emonaz eta aniztasunaz ohartarazoteko eta era bateko eta besteko persona eta kulturen arteko hartu-emonak dakarren aberastasuna aldarrikatzeko”. Jarduera hau guztiz sustraituta dago Bilbon eta urtetik urtera jente gehiagok parte hartzen dau. Bi mila lagun baino gehiagok izena emon dau eta datorren zapatuko goizeko 9:00etatik aurrera ospatuko dan ekitaldi honetan 60 herrialde desberdinetako 3.600 lagun inguruk parte hartuko dauala uste da. Mariaren Bihotza plazan alkartuko dira taldeak eta arroza guztientzako oinarri…

Markina-ko baratzeak

V. Bikaritza nekazaritza nortasun handiko eremua da. Hori dela eta, landa eremua, herriak eta baratzeak barne hartzen duten ekimenak martxan jarri beharra ikusten genuen. Pasa den urtean Ortukide proiektuan hasi ginen lanean, Gernikan. Udalak lur-zati batzuk utzi zizkigun eta monitore baten eta boluntario batzuen laguntzarekin, proiektuan parte hartu zuten 10 pertsona inguru astean bi egunez aritu ziren bertan. Lurra goldatzen eta sasoiko eta tokiko produktuak ereiten ikasi zuten.Oraingoan, Markinako Udalarekin elkarlanean, beste baratze proiektu batean hasi gara lanean. Gizarte-bazterkeria edo babesgabetasun egoeran dauden 6 pertsonak parte hartzen dute. Proiektu honek hiru helburu nagusi ditu: Gizarte-bazterkeria edo babesgabetasun egoeran dauden pertsonen artean harremanak lantzeko espazio bat sortzea. Barazkigintza ekologikoa, lorezaintza eta abarren inguruko oinarrizko ezagutzak barneratzea…

KARITATE eguna – Día de CARIDAD

Atzo, KARITATE EGUNA ospakizuna ospatu zen Sestaon  Ondoren, eguneko argazki batzuk utziko ditugu, bai BIZKELIZAren ‘Flickr’ lotura honetan, bai beheko argazkietan bezala:

CARITAS: 2017ko TXOSTENA

Caritas Euskadi (aurkezpena): Caritasen laguntza jasotzen duten pertsona eta familien KALTEBERATASUN ETA GIZARTE-BAZTERKERIA egoerak gero eta konplexuagoak dira, eta ERANTZUN SENDO ETA INTEGRALAGOAK behar dituzte. Hain zuzen, Euskadiko Caritasek (Donostiako, Gasteizko eta Bilboko elizbarrutietakoak) 2017an emandako diru-laguntzak inoiz baino handiagoak izan dira. Guztira 5,36 milioi euro baino gehiago eman dituzte, duela 10 urte (2007) baino % 77 gehiago. Biztanleriaren zati bat POBREZIA ETA KALTEBERATASUN SOZIALEKO ESPIRAL batean harrapatuta geratzen ari da, eta oso zaila da bertatik ateratzea. Prozesu horretan guztian funtsezkoa da gizarte-bazterkeriako egoeran dauden edo egon daitezkeen pertsona eta familiei laguntzea, eta hala egiten dute Donostiako, Gasteizko eta Bilboko Elizbarrutiko Caritaseko agenteek. Kontratatutako langileez gain, LAU MILA BOLUNTARIO (3.858) aritzen dira beren denbora eta…

M25, Afrikaren Eguna

Afrikaren Eguna (maiatzak 25): Bilboko Elizbarrutiko Cáritas Grupo Pro Africa (GPA) izeneko lan-plataforman dago. Bertan, Euskadiko eta Nafarroako 20 erakunde gaude, eta helburu hauek ditu: Afrikari buruzko ezagutza handitu, GGKE-etan zein gizartean eta euskal instituzioetan, sentsibilizazioaren bitartez. Afrikarekiko kooperazioko esperientzia, zailtasun bereziak eta ezaugarriak partekatu. Politikan eragin kontinentearekiko kooperazioa hobetzeko. Gonbidatzen zaituztegu egun horretan sareen bitartez parte hartzera (#AfrikazHitzeginDezagun; #AfrikarenEguna; #AfrikaAstea) eta garatuko diren ekintzetara joatera. Bilbon egingo diren ekintzen programazioa bidaltzen dizuegu. Partekatu, mesedez, egun horretako programak eta ekintzak beste lurraldeetan.   Afrikaren Eguna Publicado en 23 mayo, 2018 – Urtero bezala, maiatzaren 25ean Afrikaren Eguna ospatzen da, Afrikar Emakumearen Hamarkadaren barruan ospatu ere (2010-2020), zeinaren helburua hauxe baita: blokeko herrialdeen politiketan, generoari lotutako gaiak…

KONTZERTU SOLIDARIOA BASAURIN

KONTZERTU SOLIDARIOA >> “BIZI-BETE” NAGUSIEN PROIEKTUA AURKEZTU >> ONURADUNA: CARITAS BASAURI.   Danbolin Txistulari Elkartea – Basauri + Agintzari Dantza Taldea + Edurre Euskal Dantza Taldea + Basauritar Dantza Taldea   Larunbata, ekainak 2 >> 20:00 BASAURIko Elurretako Amabirjinaren Elizan (Ariz). ‘Ariz’ metroa, irteera Valentzia kalea.   SARRERA LIBREA: DOHAINTZA ESKATUKO DA CÁRITASENTZAT OSORIK (Cáritas Bizkaia).   LAGUNTZAILEAK: Ibone Obieta (Soinua) + Gerardo Domingo (Teklatua) + Maider Diez eta Maitane Iturriaga (Saxo) + Aritz Madariaga (Biolina) + Jose Ramón Facorro (Gitarra) + Aitor Salazar (Trikitia) + Iker Etxebarria (Panderoa).   #Basauri #Cáritas #Txistu #Txistulari #EuskalDantza