Gaztelania | Euskera

Lehendakariaren esker ona Cáritas Bizkaiari

LEHENDAKARIAK ESKERRAK EMAN DIZKIO CARITAS BIZKAIARI  OSASUN KRISIAN EGITEN ARI DIREN LANAGATIK   Cáritas Bizkaiak eta beste gizarte erakunde batzuek bideo-konferentzia bat egin dute gaur goizean Iñigo Urkullu Lehendakariarekin eta Enplegu eta Gizarte Politika arloko aholkulari Beatriz Artolazabalekin. Bileraren helburua Hirugarren Sektore Sozialaren eta Eusko Jaurlaritzaren arteko lankidetza sinbolizatzea izan da. Iñigo Urkulluk eskerrak eman dizkigu beti egin dugun lanagatik, eta, bereziki, une hauetan pertsona babesgabeengana heltzeko ahaleginak sendotzeagatik. Lehendakariak lankidetzaren eta auzolanaren bidean jarraitzera animatu gaitu, laguntza handiena behar dutenen. Testuinguru horretan, ‘Solidaridad Organizada. Guztion Artean’ proiektuaren bidez hirugarren sektorea eta boluntarioak egiten ari diren lanaren garrantzia nabarmendu du, garai honetan are gehiago sendotu baita. Caritas Bizkaiak ere parte hartzen du egitasmo horretan.  …

Alkartasuna beti zabalik Kanpaina

ALKARTASUNA BETI ZABALIK

Gaur, martxoaren 29an, Caritaseko kanpaina instituzionala ospatzen dugu. Oraingoan, COVID-19.ak eragin duen ezohiko egoera kontutan hartuta, “Alkartasuna beti zabalik” leloa aukeratu dugu. Kanpaina honek elkartasuna eta anaitasuna bultzatu nahi ditu, momentu bereziki zail honetan. Bizkaiko Caritasek, etxean geratzeko eta kontu handiz jokatzeko garaia dela gogorarazten du, baita gure balore solidarioak gauzatzeko ere bai, bereziki gure inguruan ahultasun egoeran dauden pertsonei laguntzen jarraitzekoa ere. Mundu mailako osasun-krisialdi batean gaude murgilduta: Bere zabalpenean ez du klase-sozial, identitate kultural edo puntu geografikorik bereizten, baina sortuko dituen ondorio sozioekonomikoek ez dute berdin eragingo pertsona guztiengan Hazkunde ekonomiko eta materiala oinarri duen eredu sozial batean bizi gara, ongizate indibidual eta sozialaren motorra dena. Horren aurrean, krisialdiak bizitza eta zaintza erdigunera ekartzen…

Alkartasuna beti zabalik

Caritas Bizkaiak “La solidaridad no cierra. Alkartasuna beti zabalik” kanpaina jarri du martxan, une zail hauetan boluntario-sare antolatuen bidez elkartasuna sustatzeko. Horren bidez, une kritiko hauetan elkartasun antolatua bideratu nahi da; kristau komunitateari eta, orokorrean, herritar guztiei dei eginez, administrazio publikoekin koordinatuta lan egiteko. Caritas Bizkaiak gogorarazi nahi digu etxean geratzeko eta kontuz ibiltzeko unea dela, baina gure elkartasun balioak ez ditugula ahaztu behar, eta, ahal dugun moduan, gure inguruko pertsona babesgabeei laguntza eman behar diegula. Kanpaina hau Eusko Jaurlaritzak (Guztion Artean) eta Bizkaiko Foru Aldundiak (#bizkaiagara) elkartasun sareak sortzeko martxan jarritako ekimenekin koordinatuko da.   Kanpainaren webgunea Zabalkunderako, web eremu espezifikoa daukagu, www.lasolidaridadnocierra.eus eta www.alkartasunabetizabalik.eus. Horren bidez, laguntza behar duten zein beren burua eskaintzen…

COVID19. NEURRIAK

COVID19 BIRUSAK SORTUTAKO EGOERARA EGOKITZEKO NEURRIAK. Administrazioak ezarritako neurriekin bat etorriz eta gure laguntza jasotzen duten pertsonak lehentasun nagusia direla oinarri hartuz, honako neurriak aplikatuko ditugu: 1-. Aurrekontu partida esanguratsu bat hornitzea, ondoren azalduko diren egoera prekarioak sendotu ahal izateko. 2-. Familiei diru-laguntzak modu telematiko edo digitalean aurreratzea, baliabideak bermatzeko, eta bide-laguntza telefonoz ematea. 3-. Ostatua eta jatekoa eskaintzen duten zentro kolektiboak.  Beharrezkoa izatekotan, pertsonen presentzia sendotzea (kontratatuak eta boluntarioak), gomendatutako osasun neurriak zorrotz aplikatuz. Esku-hartze presentziala oinarrizko estalduretara lotuta egongo da.  Jantoki zerbitzuaren ordutegia zabaltzea, 12:30etik, aglomerazioa saihesteko.  Picnic motako eta tupper (plastikozko ontzia) formatuko jatekoa ematea, bakoitzak bere etxera eraman ahal izateko, eta jantokian bertan jan behar duten pertsonei denbora mugatzea….

Bihotzez, edizio digital berria

BIHOTZEZ aldizkariaren EDIZIO DIGITAL BERRIA irakurtzera gonbidatu nahi zaituztegu. 73. zenbakiarekin batera jarri dugu eskuragarri. Formatu berri honetan bideoetarako loturak (youtube), irrati audioak (ivoox) eta web edukietarako sarbideak egongo dira, informazioa osatzeko. Animatu ikuspegi berri bat probatzera, eta murgildu orriotan jasotako errealitatean. Bihotzez digitala issu aplikazioaren bidez dago eskuragarri, lotura honetan: https://issuu.com/caritasbizkaia/docs/bihotzez_73_links (OHARRA: Audioak entzun ahal izateko, ivoox aplikazioan doan erregistratu beharra dago. www.ivoox.com

“BILBOKO XVI. ERREGE-OPIL SOLIDARIOAK”

Caritas Bizkaiak errege-opil erraldoi baten milaka errazio banatuko ditu 2020ko urtarrilaren 5ean, igandea, Plaza Berrira gerturatzen diren pertsona guztien artean, eguerdiko HAMABIETATIK aurrera. Euro bat eskatuko da pertsonako, Caritas Bizkaiaren Haurtzaro eta Emantzipazio Programen barneko proiektuetara bideratzeko. 11:00etatik aurrera, Plaza Berria haurrentzako jolas-eremu bihurtuko da. Aurpegia margotzeko, puxikekin esku-lanak egiteko eta elkarrekin jolasteko tailerrak izango dira. Opila Bizkaiko Okindegien Elkarteak egingo du aurtengoan ere, Lapiko Catering enpresarekin koordinatuta, eta Cafe Iruña Catering-ek txokolatea eskainiko du, Kaikuk (esnea) eta Baquék (kakaoa) ekimen honetarako emandako osagaiekin egindakoa. LABORAL Kutxak babestutako ekimen honetan, Caritas Bizkaiako hamarnaka boluntariok parte hartuko dute eta ekimena antolatzeaz, dohaintzak jasotzeaz eta bukatu bitartean txokolate zein opila banatzeaz arduratuko dira. HELBURUA Caritas Bizkaiaren izenean,…

Migratzaileen Nazioarteko Eguna

ACNUR erakundearen 2018ko datuen arabera, gaur egungo leku-aldatze maila inoiz erregistratutako handiena da. 70,8 milioi pertsonak alde egin behar izan dute beren etxeetatik, mundu osoan. Aurrekaririk gabeko zifra da. Leku-aldatze behartuaren arrazoiak askotarikoak dira: gerrak, natur baliabideen espoliazioa, aldaketa klimatikoa, genero arrazoiak, ideologia politikoak, sinesmenak, eskubide urraketa… eta errealitate horren aurrean ematen diren erantzunak harresiak, atxilotze eremuak eta antzeko segurtasun politikak dira. Gaur, Migratzaileen Nazioarteko Egunean, Caritasek bat egin nahi du aldarrikapen honekin: erakundeek pertsona guztien eskubideak bermatu ditzatela, eta, batez ere, etxea atzean utzi beharra izan duten milioika pertsonen sufrimendu eta bidegabekeria egoeren aurrean gizarte abegitsu eta solidarioa eraikitzeko bidea eman dezatela. Hori dela eta, gure programa eta proiektuen bidez migratzaileei bide-laguntza ematen jarraitzen…

Eskubideen Nazioarteko Eguna

Justiziaren alde

Giza Eskubideen bidez ezinbesteko baldintzak ezarri dira gizakion duintasuna bermatzeko eta pertsona guztiak askatasun, bake eta justizia egoeran bizi ahal izateko. Gaur Giza Eskubideen Nazioarteko Eguna da. Horregatik, Caritas Bizkaiak aldarrikapenekin bat egin nahi du, pertsonak politiken erdigunean jartzeko. Gizakion garapen integrala lehenetsi nahi dugu, segurtasun politika eta interes ekonomiko ororen gainetik. Izan ere, horien izenean milaka pertsonen eskubideak urratzen ari dira. Ikuspegia zabaldu eta pertsonei begiratzeko eskatu nahi dizugu; beren egoera, azalaren kolorea, erlijioa eta jatorria alde batera utzita. Pertsona guztiok lan egin behar dugu, guztion eskubideak berma daitezen lortzeko. Giza eskubideen defentsan protagonista eta lekuko izan behar dugu. Animatu gaurko ekitaldietan parte hartzera:   Giza Eskubideen aldeko Manifestazioa 19:00etan, Moyua plazan. Zinea kalean….

Euskara, Caritasen balorea

Bilboko Elizbarrutiko Eliza euskararen erabilerarekin konprometitua dago gizarte elebidunean dagoelako, eliztar askok euskara dute euren hizkuntza. Caritasek elizaren parte den heinean bere egiten du konpromiso hau. Beraz, bai kanpora begira eskaintzen diren zerbitzuetan nahiz barrura begirako jardunean ere, euskara Caritasen balorea izatea da helburua. Caritasen euskaraz egiteko aukera eman nahi diegu euskaraz aritu nahi dutenei. Caritasen hizkuntza eskubideak bermatzeko eta euskal hiztunentzako erakunde abegikorra izan dadin lan egingo dugu. Horretarako ari gara lanean urte osoan, eta gaurko eguna pozgarria da urte osoan egiten dugun lanaren isla baita. Gaur Caritasen zereginarekin eta euskararekin uztartuta dagoen jardunaldia antolatu dugu. Etorkinak eta euskara: aukera bat. Euskarak aukera ematen baitu mundu berri bat, kultura bat, gizarte bat ezagutu eta…

Euskadiko II. FOESSA Txostena

CARITAS EUSKADIK “Euskadiko II. FOESSA Txostenaren” berri eman  du Donostian, Zuzenbide Fakultateko paraninfoan egindako bi ekitaldiaren bidez. Guillermo Fernández (Caritas) eta Joseba Zalakainek (SIIS) izan dira bertan. Lurralde mailako txosten hau ekainaren 12an Madrilen aurkeztu zen VIII FOESSA txostenaren inguruan abiatutako ikerketa proiektuaren baitan argitaratu da. Txostenak gaur egungo ziurgabetasun egoeraren berri ematen du, eta honako ideiak nabarmendu ditu: Euskadiko pertsonen % 85 integrazio sozialaren eremuan dago, baina gizarte-bazterkeria errotuta dago. 334 mila pertsona daude gizarte-bazterkeria egoeran; hau da, biztanleria osoaren % 15,2 Euskadik estatu mailako gizarte-bazterkeria zifrarik baxuenetakoak ditu. Laugarren posizioan dago. Hala ere, bazterkeria mota larrienaren kasuak ugaritu egin direla ikusi da. Euskadiko gizarteko pertsona babesgabeenei zailtasunak metatu zaizkie: Integrazio eremuan egonda ere,…