Gaztelania | Euskera

Azpimarratutako berriak

  • Bizitza Zaintzen

    Asteburu honetan Caritas Bizkaiak bere kanpaina instituzionala jarriko du abian. Oraingoan, bizia zaintzera gonbidatu nahi zaitugu. 2019ko FOESSA txostenaren arabera, pertsonok gero eta lotura ahulagoak ditugu gure artean, eta desberdintasun egoerak justifikatzen hasi gara, pertsona bakoitzak bere ahaleginaren ordaina jasotzen duela argudiatuaz, nolabait. Horrela izanik, gure inguru soziala eta ingurumena gure ardura ez balira bezala jokatzen dugu, eta, ondorioz, talde sozial batzuk bazterkeria egoeran geratzen ari dira, eta apurka-apurka natura hondatzen ari gara. Hala ere, dena dago elkar konektatuta. Gizakion garapena lotura ekologiko zein sozialaren baitan gertatzen da. Gizarteak ezin du aurrera egin kohesio sozialik, inklusiorik eta denon ongizaterik gabe. Hori dela eta, Caritas Bizkaiak pertsonen, harremanen eta ingurumenaren zaintza erdigunean jartzera gonbidatu nahi zaitu….

  • Legatu Solidarioaren Nazioarteko Eguna

    Caritas Bizkaiak bat egin du Legatu Solidarioaren Nazioarteko Egunarekin; izan ere, duela sei urte, testamentu batean kausa solidario bati dohaintzan emateko aukeraren berri eman zioten gizarteari. Testamentua edo legatua formalizatzeko unean izan daitekeen konpromiso solidarioa aurkezteko beste modu bat. Zure ondasunen eta ondarearen zati bat pertsona askoren bizitza aldatzen jarraitzeko erabiliko dela ziurtatzeko modu bat da ZER EGIN DEZAKEGU ZURE HERENTZIA EDO LEGATUAREKIN? Jasotako herentzia eta legatuei esker, hainbat proiektu sortu eta garatu ditugu. AURREZKI TXIKI BATZUEN BIDEZ, Etxerik gabeko pertsonentzako jantoki sozialak mantendu ditzakegu. Haurrak beren kargura dituzten emakumeei prestakuntza eta enplegua eman ahal dizkiegu. Bazterkeria arriskuan dauden gazteentzako ikasketa-bekak. Edadetuentzako zentro komunitario baterako ekipamendua lor dezakegu.   ETXEBIZITZA PARTIKULAR BAT JASO, ETA: Haurrentzako…

  • Andoni Martínez Barañano Tenorrak Caritas Bizkaiaren aldeko disko solidarioa aurkeztu du

    Bildutako dirua Caritas Bizkaiara bideratuko da, gizarte-bazterkeria arriskuan dauden eta covid-19aren krisiak bereziki eragin dien emakumeei laguntzeko. Andoni Martínez Barañano tenorrak Caritas Bizkaiarentzako fondoak bilduko ditu ‘Desde mi balcón a tu corazón’ izeneko disko solidarioarekin. Algortako (Getxo) San Nikolas plazako bizilagunei konfinamendua alaitu zien tenorrak, bere balkoitik, osasun-langileei eskainitako txaloen osteko emanaldietan. Orain,  Mario Lerena piano-jole getxotarrarekin batera grabatutako disko solidarioa aurkeztu du (aste honetan, asteartean). Bildutako dirua Caritas Bizkaiara bideratuko da, gizarte-bazterkeria arriskuan dauden eta covid-19aren krisiak bereziki eragin dien emakumeei laguntzeko. Martinez Barañanok Getxoko Muxikebarri zentroan aurkeztu du proiektua. Bertan izan dira Euskara eta Kultura arloko foru diputatua, Lorea Bilbao; Getxoko alkatea, Amaia Agirre, eta Caritas Bizkaiako zuzendaria, Carlos Bargos. Aurkezpenean proiektuari buruzko…

  • LIBANOKO LARRIALDIA Fratelli proiekturako laguntza

    Libanoko larrialdiaren testuinguruan, FRATELLI proiekturako dohaintza ahalegin berezia eskatzen dugu, Caritas Bizkaiak 2017tik babesten duena, tragediaren fokuan egonik bere baliabideak murrizten baititu.

  • PANDEMIA GLOBALAK SALEROSKETAREN BIKTIMEN ESPLOTAZIO HANDIAGOA ERAGITEN DU

    Pertsonen salerosketaren aurkako munduko egunean, Caritas Bizkaiak bat egin zuen Caritas Internationalisekin eta COATNETekin, biktimak identifikatu eta artatzeko premiazko neurriak eskatzeko. Pandemia globalak gobernuen arreta osasunera bideratu du, baina, aldi berean, ez zion behar besteko arretarik jarri abian zen pandemiaren albo-kalteari, batez ere migratzaileen eta sektore informaleko langileen kasuan, orain salerosketaren eta esplotazioaren aurrean arrisku handiagoa baitute. Caritas Internationalis eta COATNET elkarteek ere premiazko neurri espezifikoak eskatu dituzte langileei laguntzeko sektore informaletan, hala nola etxeko lanetan, nekazaritzan eta eraikuntzan, egoera ahulenean egon baitaitezke (hau da, administrazio-egoera irregularrean dauden pertsonak). Entzierroak eragindako mugitzeko askatasun faltak eta bidaien murrizketek esan nahi dute salerosketaren biktimek herrialde askotan aukera gutxiago dituztela ihes egiteko eta laguntza aurkitzeko beren borondatearen aurkako…

Berriak

KONFINAMENDUAREN DIARIOA

Konfinamenduko Diarioa irakurtzera gonbidatu nahi zaitugu. 2020ko martxotik ekainera bitartean «Alkartasuna beti zabalik» kanpainaren blogean argitaratutako artikuluz osatua dago. Bloga, Caritas Bizkaia konfinamenduan egiten ari zen lanaren berri emateko asmoz. Ezkutuan geratutako errealitateak azalarazi eta egindako lana aitortzea izan dira helburu nagusiak. Badakigu zeintzuk diren gure ahulgune eta mugak, baina gure gaitasun eta indarguneak ere ondo ezagutzen ditugu. Orain da unea. Ausardiaz, kemenez eta irmotasunez erantzun dezagun. Batak bestearen laguntza daukagu, eta Jainkoaren bultzada, betiko moduan, pertsona guztion bizi eta itxaropenaren alde. Eskerrik asko zure konpromisoagatik. Gogoratu zein garrantzitsua den elkarrekin egotea eta lan egitea, zailtasunei aurre egiteko   KONFINAMENDUAREN DIARIOA ESTEKA

EKAINAK 20: Errefuxiatuen Nazioarteko Eguna

Caritas Europak 2019ko abenduan asilo-eskubidea babesteko eta ez itzultzeko hartutako konpromisoa betetzeko eskatu die Europako estatuei. Caritas Bizkaiak bat egin du adierazpenarekin, eta Europaren ateak zabalik egon behar direla aldarrikatu du. Errefuxiatuen Nazioarteko Eguna dela eta, Europako estatuei eskatzen diegu bete dezatela 2019ko abenduan errefuxiatuen lehen foro globalean hartutako konpromisoa, 2020an 30.000 errefuxiaturi babesa emateko eta Europan asilo-eskubidea babesteko eta ez itzultzeko. COVID-19ko pandemiak bereziki jo ditu errefuxiatuak eta asilo-eskatzaileak, horietako asko gainpopulatutako edo muturreko prekarietate-egoeran dauden kanpamentuetan bizi baitira, ustiapen-arrisku gero eta handiagoaren eraginpean. Pandemiaren garaian, mugen itxierak eta bidaia-murrizketek asilorako sarbidea eta babesa ahuldu dute Europan. Herrialde askotan, asilo erregistroa, elkarrizketa eta eskaeren prozedura bertan behera geratu dira, edo itxaron zerrendan geratu, honek…

Caritas Bizkaiako kanpaina

Gaur, Karitatearen Astearen barruan, kanpaina instituzionala ospatzeko eguna da. Caritas Bizkaiak lan boluntarioa, doakotasuna eta konpromisoa nabarmendu nahi izan ditu, eta errealitatearen inguruan daukagun pertzepzioak hura eraldatzeko orduan nola eragiten digun. Azken hiletan, errealitate hori errotik aldatu zaigu, koronabirusaren pandemiagatik. Horren ondorioz, pertsona askok pauso bat aurrera eman dute eta beharrizan handiena dutenen alde lan egiteko prest azaldu dira. Boluntariotza ekimen horiek guztiek erakutsi digute elkartasuna beti dagoela zabalik. Oraindik ere, bakoitzak bere ekarpena egitera animatu nahi dugu jende guztia. Elkarrengana gerturatu eta partaide izatera. Caritas Bizkaian boluntarioen gaitasun eta ahalmenean sinisten dugu, baina argi daukagu aurrean ditugun erronkei ezin zaiela bakarka heldu, ezta alde bakarretik ere. Elkartu egin behar dugu, bizi-egoera ezberdinak eta pertsonentzako…

2019ko Memoria Aurkezpena

Caritas Bizkaiak 2019ko Memoria aurkeztu du, “Alkartasuna beti zabalik” lelopean Bilbo, 2020ko ekainaren 10a. Caritas Bizkaiak eskerrak eman nahi ditu boluntarioen konpromisoagatik (% 81 emakumeak dira), eta Bizkaiko gizartearen lankidetza ekonomikoagatik (4.232 bazkide eta kolaboratzaile, % 51 emakumeak), 3,2 milioi euroko ekarpena egin baitzuten. Herentzia eta dohaintza gisa 600.000 euro eman ziren; enpresa eta erakunde pribatuek 1,5 milioi euroko ekarpena egin zuten, eta Bizkaiko kristau komunitateak 649.000 euro bildu zituen Elizbarrutiaren parrokietan. Administrazio Publikoei ere eskerrak nahi dizkie, 4,2 milioi euroko laguntzagatik. Gainerakoa diru-sarrera propioak izan dira (1,3 milioi euro). Guztira, 11,5 milioi euro inbertitu ditu Caritas Bizkaiak 2019an, batez ere Etxegabekoen arloan (3,6 milioi); Harreran (2,1 milioi) eta Enpleguan (1,7 milioi). Laguntza jaso duten…

Bizkaiko Eleizeak Maitasunaren asteari ekingo deutso

#ItxaropenPrintzak #RayosDeLuz Gorpuzti eguna dala-eta, Eleizbarrutiak Maitasunaren aste ospatuko dau eta aurtengo jarduerak aparteko moduan ospatuko dira. Manu Morenok, Karidade eta Zuzentasunerako ordezkariak ekitaldietan parte hartzeko konbitea luzatzen dau. Ekainaren 10ean Caritasek 2019ko datuen balantze publikoa egingo dau.Hurrengo egunean, ekainak 11 eguena, ekitaldi nagusia Santiago katedralean izango da . Arratsaldeko 17:30etan tertulia bat egongo da eta 19:00retan On Mario Izeta eleizbarrutiko gotzaina buru dala, Eukaristia ospatuko da. Ekitaldia zuzenean jarraitu ahal izango da web orrialde honetatik.  Domekaz, ekainaren 14an amaituko da Aste berezia Caritasen kanpainegaz Bizkaiko parrokietan. `Itxaropen printzak-Rayos de Luz´goiburua erabilita, tertulia bat egongo da Santiago katedralean. Parte hartzaileak, Jacinto Batiz medikua; Estrella Moreno, Elizbarrutiko Teologia eta Pastoraltzako Institutuko (ETPI) kidea; Ana Sofia Telletxea,…

Ingurumenaren Munduko Eguna

Ekologia integral eta giza ekologiaren aldeko apustua. Ingurumenaren Munduko Eguna da. Horren harira, Caritasek gogoan hartu nahi du aurten “Laudato si” entziklikaren bosgarren urteurrena dela; “pobreen eta lurraren aldarria” entzuteko konpromiso berriztatua. Ikuspegi berri bat behar dugu egun, pertsonak gizarte, ekonomi eta ingurumen egituraren erdian jarriko dituena. “Laudato si” entziklikan, Frantzisko Aita Santuak krisi ekologikoaren gainean jarri du arreta, eta “Ekologia integralaren” proposamena planteatu digu. Entziklika honetan jasotzen den funtsezko gaia zera da, aurrean daukagun krisia ez dela soilik ingurumen arlokoa, oinarria krisi askoz sakonagoa dela. Horregatik, ikuspegi integrala aplikatu behar dugu, zabalagoa, Ekologia Integrala, ingurumenaz harago doana. Ekologia Integralaren oinarria zera da: planetaren sufrimenduak eta bertako milioika pertsonaren sufrimenduak erro bera duela. “Gizakia, biluzik,…

Africaren eguna

Maiatzaren 25a Afrikaren eguna da. Caritas Bizkaiaren bidez Etiopia eta Kongoko Errepublika Demokratikoko lankidetza-proiektuak babesten ari gara, zehazki. Gizateriaren jaioterri handi honen aberastasun kultural, etniko eta naturala nabarmendu nahi dugu, eta, noski, bere erresilientzia. Errespetuz, berdintasunez eta erantzukidetasunez begiratu nahi dugu Afrikara. Eta, horretarako, hainbat aspektu izan behar ditugu kontuan: oinarrizko eskubideak bultzatu, arduraz kontsumitu, gure herrialdera bizimodu duin baten bila datozen pertsonei harrera egin, harreman ekonomiko eta laboral duinen aldeko apustua egin, eta natura errespetatu. ProÁfrica taldeak maiatzaren 24an eta 25ean sare sozialen bidez garatuko den Afrika Egunean parte hartzera gonbidatu nahi gaitu. Aurtengo leloa honakoa da: “Elkarrekin Indartsuago gara”. Afrikar diasporako, Afrikarren ondorengoen, eta afrikanista bilbotar elkarteek sustatuko ekimena da. Afrika Eguna online…

Bidezko Merkataritzaren Eguna

Bidezko Merkataritzaren eguna da, eta erakundeok eredu ekonomiko bidezko eta iraunkorragoa aldarrikatu nahi dugu krisi honetatik irteteko   Gaur, maiatzak 9, Bidezko Merkataritzaren Munduko Eguna da. Horregatik, arlo horretako erakundeok zera aldarrikatu nahi dugu: COVID-19ak eragindako krisia gainditzeko, beste eredu ekonomiko bat bultzatu behar dugu, pertsonen eskubideak eta ingurumena etekinen aurretik lehenetsiz.   Desberdintasun egoerak eta krisi klimatikoa dira neurririk gabeko kontsumoan oinarritutako eredu ekonomikoaren ondorio nagusiak. Helburu bakarra kapitala sortzea da. Osasun krisiak erakutsi digu sistema honen ahultasuna, pertsona asko atzean uzten dituen sistema, duintasuna bera ere ukatuta, eta oinarrizko beharrizanak estali gabe. Bidezko Merkataritzaren mugimenduak defendatzen du krisi honetatik denok batera irten behar  dugula, eta eredu ekonomikoak giza duintasuna eta planetaren zaintza lehenetsi…

LANGILE BABESGABEENENTZAKO PRESAZKO NEURRIAK ETA GUTXIENEKO DIRU-SARRERAREN ALDE

“ELIZA LAN DUINAREN ALDE” IZENEKO EKIMENAK LANGILE BABESGABEENENTZAKO PRESAZKO NEURRIAK ETA GUTXIENEKO DIRU-SARRERAK ESKATU DITU Beste gauza batzuen artean, etxeko langileentzako langabezia-prestazioa eta “paperik gabeko” langileen ezohiko erregularizazioa proposatu du Maiatzaren lehena da, pandemiaren krisiak markatuta, eta Manifestuak argi jaso nahi izan du lana bizitzarako dela, integritate fisikoa eta psikikoa babesten dituen lan-baldintza batzuk bermatu behar direla, bizitza duina izateko funtsezkoak diren gizarte babesa bermatzeko. Lan duinaren aldeko ekimen honen erakunde sustatzaileek ( CÁritas, Conferencia Española de Religiosos CONFER, Hermandad Obrera de Acción Católica HOAC, Justicia y Paz, Juventud Estudiante Católica JEC eta Juventud Obrera Cristiana JOC) dutenez, COVID-19aren pandemiak eragindako krisi ekonomiko eta laborala ez zen hain handia izango  lan-prekarietatea ez balitz hain hedatuta…

INTERVENCIÓN SOCIAL

Arrera Cáritas Bizkaia

Harrera

Baliabide ekonomiko nahikorik ez izateagatik oinarrizko beharrizanak estali ezin dituzten pertsona eta familiei arreta ematen die. Bazterkeria egoeran dauden pertsonak dira, Administrazioaren gizarte-babes sistema ez baita unibertsala…

Laneratzea Cáritas Bizkaia

Laneratzea

Enplegu-arloaren egitekoa bazterkeria edo babesgabetasun egoeran dauden pertsonek lan duina lortzea da. Horretarako, gaitasun pertsonalak hobetu eta gizarteratzera begirako baliabide eta neurriak hobetzen saiatzen gara. Hau lortzeko zenbait ekintza garatzen dira: prestakuntzakoak, lan-aurrekoak, gizarte ekonomia eta ekonomia solidarioko proiektu-unitatea, prospekzioa, orientazio espezializatua eta lan arloko bitartekaritza…

Haurtzaroa Cáritas Bizkaia

Haurtzaroa

Egoera zailetan bizi diren haurren gaitasun pertsonalak, sozialak, hezkuntza arlokoak, afektiboak eta familiarrak lantzeko helburua dauka. Moldatu ezina edo babesgabetasun egoerak eragin ditzaketen arrisku-faktoreak lantzen dira gizarte eta hezkuntza arloko proiektuen bidez (PASE). Osasuna eta trebetasun sozialen arloak lantzen dira, baita eskolako prestakuntza, aisialdia eta familia arloak ere. Gainera, uztailean “Udalekuak” egiten dira, ikasturtean zehar egindako lanaren jarraipen bezala eta adin txikiko horiek udan zerbait desberdina egiteko aukera izan dezaten.…

Edadetuak Cáritas Bizkaia

Edadetuak

Pertsona nagusien bizi-kalitatea eta baldintzak hobetzea du helburu, eta bereziki babesgabeenena eta laguntza gutxien dutenena. Horretarako, beren autonomia sustatzen da eta beren betiko lekuan egon daitezen saiatzen gara. Talde horren egoeraren eta beren beharrizanen gainean ere sentsibilizazioa sustatu nahi izaten dugu.…

Familia-gizarteratzea Cáritas Bizkaia

Familia-Gizarteratzea. FIS

Pertsonen eta familien gizarteratze-maila hobetu nahi da beren gaitasun pertsonal, familiar eta lan-aurrekoak sustatuz. Lana prestakuntza talde eta tailerren bidez egiten da. Horietan hartzen den ezagutza bezain garrantzitsua da trebetasun sozialen hobekuntza…

Etxerik gabeko pertsonak Cáritas Bizkaia

Etxerik gabeko pertsonak

Lau proiektuk osatzen dute arlo hau. Apostolikak izenekoa Bilboko etxerik gabeko pertsonentzako erreferentziazko zentro bat da. Bertan zerbitzu hauek ematen dira: jantokia, garbitegia, egongela, interneterako konexioa, informazioa, orientazioa eta eguneko zentroa.…

Adikzioa Cáritas Bizkaia

Adikzioak

Adikzioen Programa (ADRO) hiru lan ildotan egituratzen da. Alde batetik, EAEn homologatutako laguntza-tratamenduetarako egoitza-baliabideak, baliabide ekonomikorik ez duten edota familiaren eta gizartearen aldetik laguntzarik ez duten pertsonentzat.…

Nazioarteko Kooperazioa Cáritas Bizkaia

Nazioarteko kooperazioa eta migrazioak

Promueve la sensibilización, participación y movilización de la sociedad y de la comunidad por favorecer unas relaciones más justas entre el Norte y el Sur. Impulsa acciones y proyectos que visibilizan otro manera de relacionarse entre el Norte y el Sur…

Arropa Cáritas Bizkaian

Arropa

Irabazi asmorik gabeko Berohi-Koopera kooperatibaren bidez arropa jaso eta birziklatzen da; horrela, garapen iraunkorra eta zailtasunak dituzten pertsonentzako lanpostuen sorkuntza bideratzen dira; boluntarioek parte hartzen dute eta pertsona babesgabeei laguntza ematen zaie.…

Etxebizitza Cáritas Bizkaian

Etxebizitza

Zubi-etxebizitzen sarea. Bertan Cáritasek gizarteratze, prestakuntza eta laneratze prozesuetan laguntza ematen dien pertsona eta familiak bizi dira, behin betiko etxebizitza lortu arte.…