Gaztelania | Euskera

Kontzertu Solidarioa

Bilboko Orkestra Sinfonikoak kontzertua emango du aurten ere Santos Juanes parrokian, Zazpi Kaleetan, Bilboko Elizbarrutiko Caritasen Haurtzaro programaren alde. Irailaren 5ean izango da, osteguna, arratsaldeko 20:00etan. Animatu eta etorri Bilboko Orkestra Sinfonikoaren musikaz gozatzera, eskuzabaltasun osoz gure esku jarriko dute eta.  

Babesletza komunitarioko taldeak Petra Hueck-en bisita

Uztailaren 8an, Babesletza komunitarioko taldeak Petra Hueck-en bisita izan zuen. Migrazioen Nazioarteko Batzorde Katolikoko Europako zuzendaria da bera, eta SHARE sarean ere lidergo lanak burutzen dituena. Monika Hernandorekin batera etorri zen, Biktima eta Giza Eskubideen Eusko Jaurlaritzako zuzendaria. Petrak adierazi zuen Eliza lan handia egiten ari dela, askotan Caritasen bidez, Europan dauden pertsona eta familia errefuxiatuen integrazioan eta bide-laguntzan. Petrak zein Monikak bereziki aipatu zuten tokiko taldeko boluntarioen lana oso garrantzitsua izaten ari dela, duela hiru hilabete familia heldu zenetik, arlo guztietan laguntza ematen ari baitira (osasuna, hezkuntza, aisialdia, etxeko antolaketa…). Eskerrik asko zuen abegi eta gertutasunagatik!

Caritasek berriztatu egin du EDP Fundazioarekin daukan lankidetza-hitzarmena.

Caritas Bizkaiak, Gurutze Gorriak eta EDP Fundazioak lankidetza-hitzarmen bat sinatu dute gaur, “Energia Solidaria 2019” izeneko proiektuaren inguruan. Ekimen horren helburua babesgabetasun egoeran dauden familien eta pertsonen segurtasun, ongizate eta eraginkortasun energetikoa handitzea da, baita hitzarmena sinatzen duten erakundeen zentroetan ere. Programaren barneko ekintzak ikuskaritza energetiko eta teknikoak, oinarrizko ekipamenduen aldaketak (LED, berogailuak, galdarak eta abar) eta bestelakoak izango dira. Akordioa Bizkaian sinatu da, EDP Fundazioa, Vanda Martins eta gizarte erakundeetako ordezkarien artean. Proiektu honen bidez, faktura energetikoa murrizteko neurriak aztertu, identifikatu eta inplementatu nahi dituzte, eta kontsumo ohitura arduratsuak sustatu.

Caritas Bizkaiak eta Santa Marinako ospitaleak egindako hitzarmena

CARITAS BIZKAIAK ETA SANTA MARINAKO OSPITALEAK LANKIDETZA-HITZARMEN BAT SINATU DUTE, BOLUNTARIO-SARE BATEN ELKARTASUNAREN BIDEZ BERTAKO PAZIENTEEI BIDE-LAGUNTZA EMATEKO Horrela, bi erakundeek bakardadea arintzeko lanarekiko konpromisoa adierazi dute. Balioetan oinarritutakoa osasun eredu baten alde egin dute eta bide-laguntza prozesuetan boluntarioek egiten duten lanari balio eman diote, ospitaleetako pazienteen eta beren senideen ongizatea bermatzeko baliabide gisa. Hitzarmena garatzeko, Bilboko Elizbarrutiak Santa Marina Ospitalean garatzen duen bide-laguntza espiritual eta erlijiosorako (SARE) zerbitzuaren laguntza izango dugu. Lankidetza honen helburua zera da: pazienteei eta beren senideei animo egoera hobetzen laguntzea, ospitaleratze-aldiak iraun bitartean. Bide-laguntza boluntario-sare baten bidez egingo da. Honakoak izango dira burutuko diren ekintzak: Entzute aktiboa eta enpatikoa, entretenimendua, bakardade sentimendua arintzea, hitz egiteko beharrari erantzuteko aukera, eta senideentzako…

2018 Urteko txostenaren aurkezpena

2018 URTEKO TXOSTENAREN AURKEZPENA Txostenaren laburpena bideoa Caritas Bizkaiak gaur, ekainaren 19an, asteazkenean, aurkeztu nahi du 2018ko memoria instituzionala, eta bertan egiten du ibilbide bat ahultasuna eta gizarte-bazterketa sortzen duten eragileetan zehar. Halaber, Caritas Euskadiren memorioa ere aurkeztu da, eta horrekin batera prentsaurrekoak gauzatu dira Elizbarrutiko Caritas taldeetan, Gasteiz eta Donostiakoetan hurrenez hurren. Ondorio gisa, hona hemen partekatu diren hiru ideia sendoak: 1.- Azaldutako errealitate konplexuari dagokionez, gizartearen dualizazio egoera batera heltzeko arriskua ikusten dugu: Gizartean ondo integratuta dagoen jendearen eta bazterkeria egoeran dagoen jendearen arteko arrakala. Izan ere, gizarte bazterkeria egoeran dauden pertsona batzuek oso aukera gutxi daukate egoera horri buelta emateko eta, beraz, bizimodu duina izan eta gizartean parte hartzeko. 2.- Aurrean daukagun…

2019ko karitatearen eguna

2019ko KARITATEAREN EGUNA Caritas Bizkaiko gotzain-ordezkari Manu Morenok azaltzen digu Karitatearen eguneko ospakizunaren zentzua, eta era berean gonbidatzen gaitu hilaren 20an, osteguna, batera elkartzera 16:30az geroztik Deustuko salesianoen ikastetxean.   Manu Morenoren bideoa: bertan gonbidatzen gaitu Karitatearen egunera  

VIII. FOESSA txostena

VIII. FOESSA TXOSTENA Asteazkenean, ekainaren 12an, VIII. FOESSA txostena aurkeztu zen, “Azterketa zorrotza, koherentea,  errealitatearekin lotuta eta aldi berean, egunero bizi dugun esperientziaren analisiak amarratutako txostena”.   VIII Informe FOESSA: La exclusión social se enquista en una sociedad cada vez más desvinculada  

Arratiako Abesbatza

ARRATIAKO ABESBATZA Arratiako abesbatzak  aurten ere dohaintza egin dio Caritas Bizkaiari, 5.500 €-koa, haren gizarte-ekintzako proiektuentzat. Berriro ere argi agertu dute euren eskuzabaltasuna eta solidaritatea gehien sufritzen duten lagunen alde. Eskerrik asko!

Bilboko Eleizbarrutiko Pastoral ekiturtea

BILBOKO ELEIZBARRUTIKO PASTORAL EKITURTEA Irailaren 20, 21 eta 22an emango jako hasiera ofiziala Bilboko Eleizbarrutiko pastoral ekiturteari. Orain dala sei urte kursoari emoteko martxan jarri zan ekimena barrituta dator aurton. ‘Gaurtik gerora. Nuevos caminos’ goiburuak berak erakusten deuskuz ‘Goazen 19’ dalakoaren nondik norakoak. Formatu barriaren alde egingo da, ikuspuntu itxaropentsuari eutsiz eta “etorkizunari begira hainbat erronka” jasoz. Gehiago irakurri

Bidezko Merkataritzaren Munduko Eguna

Aurten datorren larunbatean, 2019ko maiatzaren 11n, ospatuko da Bidezko Merkataritzaren Munduko Eguna, eta hori dela kausa gogoan izan nahi ditugu mundu osoko milioika lagun, guk kontsumitzen ditugun produktuen ostean daudenak hain zuzen; izan ere, eurek josten dute gure arropa, hazten dituzte gure janariak, fabrikatzen dituzte gure mugikorrak. Halaber, gogoratu gura ditugu gizarte, ekonomi eta lan eskubideak sistematikoki bortxatuta ikusten dituzten pertsona horiek guztiak. Sistemak kondenatzen ditu pertsonok pobrezian eta desberdintasunik sakonenean bizitzera, eta zuzenean sufritzen dituzte klima-aldaketaren efektuak, haien erantzule izan gabe. Baina oroitu ere egin nahi dugu posiblea dela beste mundu bat, eta horretan merkataritza eta ekonomia lagunen zerbitzura egongo dira. Hori ongi demostratu dezakegu Bidezko Merkataritza Bilbon sortu zeneko 15. urteurrena ospatuz. Horren harira antolatu ditugu honako ekintza…