Gaztelania | Euskera

Elkartasuna Caritas Kubarekin

Bat gatoz Caritas Kubarekiko elkartasun-dei honekin, Caritasen Konfederaziotik datorkigu eta _______________________ Os informamos de la situación que nos traslada Caritas Cuba sobre la complicada situación que se está viviendo en el país. Están en el peor momento de crisis sanitaria con colapso de los centros hospitalarios por un enorme rebrote de Covid-19 que viene dándose en las últimas semanas y que cada día alcanza nuevos récords. Los casos se están triplicando cada día que pasa (6000 casos positivos nuevos en 24 horas), especialmente en la provincia de Matanzas que presenta la situación más crítica. La tasa de incidencia de esta enfermedad en Cuba en las últimas semanas es de 381 casos por cada 100 mil habitantes,…

Udalekuetan jarraitzen dugu

Caritas Bizkaiak hiri-udalekuen programa antolatu du aurten ere, elizbarrutiko eta lurralde mailako beste eragile batzuekin elkarlanean. Ekainean hasi eta uztailaren amaierara arte, 100 adingabe inguruk hartu ahal izango dute parte jarduera horietan.     Eguraldi ona heldu da, eta, horrekin batera, udako oporraldia. Pandemia urte hau gogorra izan da gure proiektuetako haurrentzat, eta, uda helduta, inoiz baino gehiago behar dituzte aisialdi esparruak eta denbora librea, beren kideekin gozatu ahal izateko. Horregatik, uda honetan, hainbat hiri-udaleku antolatzen jarraituko dugu: Tximeleta udaleku tradizionala, San Frantzisko auzoan. Uztailaren 5ean hasi da, eta 27ra arte iraungo du. Otxarkoagako udalekua, Txaloka proiektuko haurrekin, uztailaren 5etik 16ra. Eta Mehatzaldeko esperientzia berria, inguruko beste talde eta erakunde batzuekin lankidetzan. Hori ere uztailaren…

Errefuxiatuen Munduko Eguna

Gaur ekainaren 20a da, errefuxiatuen Munduko Eguna, eta Caritas Bizkaian uste dugu ez daukagula ospatzeko ezer, baina badago ikusarazi nahi dugun errealitate bat, denon ardura baita: Milioika pertsonak utzi behar duten atzean beren jaioterria, hau da, derrigorrez lekualdatzera behartuta daude. Aurten, 2021, gainera, bi urteurren garrantzitsu bete dira: Errefuxiatuen Estatutuari buruzko Konbentzioaren 70. Urteurrena, eta Herrigabetasun kasuak murrizteko Konbentzioaren 60. Urteurrena. Egungo egoeran, inoiz baino beharrezkoagoak dira. Aurten, oraindik, ez da ACNUR erakundearen (Nazio Batuen errefuxiatuentzako Goi Batzordea) Joera Globalen inguruko txostena argitaratu, baina 2020ko ekainean esandakoaren arabera, 80 milioi pertsona baino gehiago zeuden mundu osoan leku-aldatze prozesuan. Orain arte inoiz ezagututako zifrarik altuena.  Gainera, ezin dugu ahaztu Covid-19aren ondoriozko pandemiak bereziki eragin diela pertsona…

Caritas Bizkaiak 2020ko Memoria aurkeztu du

Caritas Bizkaiak 13.096 pertsonari eman zien bide-laguntza 2020an (% 55 emakumeak), 245 proiektutan. 2020an 14 milioi euro baino gehiago bideratu ziren pobrezia eta desberdintasun egoeraren aurkako borrokara Bizkaian. Laguntza ekonomiko zuzenak 3,2 milioi eurokoak izan ziren.       1.922 boluntarioren laguntza izan dugu (% 80 emakumeak), eta 156 pertsona berri hasi dira laguntzen. 5.248 bazkide eta kolaboratzaile izan ditugu (% 51 emakumeak), % 19,4 berriak. Caritas Bizkaiak helburu berri bat markatu du 2021erako: 2,5 milioi euroko larrialdi-fondo bat hornitzea, epe labur eta erdira COVID-19aren ondorio sozialei erantzuteko.   Konpromiso eta elkartasun keinu handiak garai zailetan Caritas Bizkaiak eskerrak eman behar ditu boluntarioen konpromisoagatik (% 80 emakumeak), 1.922 izan dira guztira, eta 156 berriak izan dira; eta Bizkaiko gizartearen laguntza ekonomikoagatik,…

Caritas Bizkaia finalista izan da CEX 2021 Sariaren XI. Edizioa

Caritas, Arteman Komunikazioa, Certest, IFEMA eta Norteña de Aplicaciones y Obras SL erakundeak izan dira finalista CEX 2021 Sarien XI. Edizioan, krisi globaletan arin erreakzionatu eta negozio ereduak egokitzearen inguruan Caritas Bizkaiak, beste lau finalistekin batera, bere praktika egokien inguruan hitz egingo du, “Tecnología al servicio de las personas más vulnerables, para que nadie se quede atrás” (Teknologia pertsona babesgabeenen zerbitzura, inor atzean ez geratzeko) http://www.centrosdeexcelencia.com/tecnologia-al-servicio-de-las-personas-mas-vulnerables-para-que-nadie-se-quede-atras/. Ekitaldia irailaren 30ean izango da, Valentzian, IVACE Generalitat Valenciana erakundeak antolatuta. Orduan jakingo dugu nor den edizio honetako irabazlea. CEX elkartea (Centros Promotores de la Excelencia) 2006an sortu zen, enpresa kudeaketaren baitan berrikuntza eta bikaintasunaren kultura garatzeko, eta urtero antolatzen du kudeaketa arloko praktika egokiak aitortzeko sariketa. Honakoek osatzen…

Fiare Banka Etikoak eta Caritasek indarrak batu dituzte

Fiare Banka Etikoak eta Caritasek indarrak batu dituzte pertsona babesgabeek finantza-zerbitzu etikoak eskuratu ahal izateko. Duela bi urte lantzen hasitako finantza-inklusio, lankidetza eta elkartasun arloko helburuak sendotzeko hitzarmen bat sinatu dute Fiare Banka Etikoak eta Caritas Konfederazioak lankidetza-hitzarmen bat sinatu dute bi erakundeen arteko egungo harremana formalizatzeko, eta Konfederazioa osatzen duten 70 Elizbarrutiko Caritasen multzoari finantza etikoen zerbitzua eskaintzeko. Akordioaren helburua Fiare Banka Etikoaren finantza-zerbitzu eta produktuak eskuratzeko erraztasunak ematea da. Gainera, bi erakundeen arteko harremana sendotzeko eta azken urteetan landutako balio komunen defentsan aurrera egiteko baliagarria izango da, hala nola finantza arloko inklusioa, lankidetza eta elkartasuna. Gizarteratze-txartelak babestea Hitzarmenaren bidez, Caritas guztiek irizpide etikoen araberako finantzazio zerbitzuak kudeatu ahal izango dituzte, eta, bereziki, gizarteratze-txartelak edo…

Aniztasunak hobe egiten gaitu

Maiatzaren 21ean ospatuko da Elkarrizketa eta Garapenaren aldeko Kultura Aniztasunaren Nazioarteko Eguna, eta, horren harira, Caritas Bizkaian aniztasunaren garrantzia azpimarratu nahi dugu, horixe baita Frantzisko Aita santuak proposatzen digun elkartze-kulturaren fruitua. Emigratzaile izan ginen herrialde honetan. Guraso eta aiton-amonen historiak entzunez hazi ginen; izan ere, urrunera joan behar izan zuten beren familien ongizatea bermatu ahal izateko, eta beste hizkuntza, erlijio, ohitura eta kultura batzuk ezagutu zituzten. Itzuli zirenean ez ziren berdin sentitzen, seguru. Migratzeak despedidak eta dolua eragin zizkien, seguru. Zailtasunak izango zituzten bidean, jakina; bakardadea, egokitzeko ezintasuna… Baina, migratzeari esker ireki ahal izan zituzten begiak; migratu zutelako ezagutu ahal izan zuten mundua; hizkuntzak ikasi zituzten, eta jakintzak partekatu. Beste pertsona batekin elkartzeak interpelatu egiten…

Familiaren Nazioarteko Eguna

Familiaren Nazioarteko Eguna dela eta, Caritas Bizkaiak familiaren balioa aitortu nahi du, harreman eta loturak sortzeko eta honako helburuetan laguntzeko balio duen heinean: garapen pertsonala, balioen eta kulturaren transmisioa, bizitzako irakaspenak, zainketak, afektibitatea, sozializazioa. COVID19aren ondorioz sortutako osasun eta gizarte krisiak era berezian izan du eragina babesgabetasun egoeran dauden familiengan. Egun bizi dugun pandemiaren aurretik, pobrezia eta gizarte bazterketa pairatzen zuten Espainiako familien integrazio prozesua susperraldian ahul eta iraupenean ezegonkor bazegoen ere, orain ematen ari garen atzerakada nabarmena da. Enplegua galtzeak, horrek dakartzan ondorio material eta psikologikoekin eta bizitzen ari diren gainezkatze psikosozial eta emozionalarekin batera, familiak muturreko hauskortasun-egoerara eramaten ditu, eta, honek, modu integralean erantzuten duen premiazko estrategia eraginkor bat eskatzen die administrazio publikoei….

Bidezko Merkataritzaren Munduko Eguna

Berreraiki  justiziaz Gaur, maiatzak 8, Bidezko Merkataritzaren Munduko eguna da, eta aldarrikapen kutsu berezia dauka aurtengoan, izan ere, COVIDaren osteko sasoirako lehengoratze ekonomiko iraunkor eta gizatiarra eskatu nahi dugu. “Berreraiki dezagun justiziaz” lelopean, bidezko merkataritzaren mugimenduak nazioarteko erakunde eta ordezkari politikoei dei egin nahi die, larrialdi klimatikoa arintzeko eta desberdintasun egoerak murrizteko. Giza Eskubideak eta planetaren babesa lehenetsiko dituen politika bat behar dugu, Bidezko Merkataritzaren eta Ekonomia Solidarioaren balioak oinarri izango dituena. Caritas Bizkaiak 20 urte baino gehiago daramatza bidezko merkataritzaren alde egiten, pobreziaren eta herrien arteko desberdintasunen aurka borrokatzeko tresna gisa. Elizaren Dotrina Sozialaren bidez entziklika eta testu askok izan dute gai hori hizpide, egun indarrean dugun eredu sozioekonomikoa kritikatu dute, eta beste eredu…

Caritas Bizkaiak bideo korporatiboa estreinatu du

Bideo animatu berri bat aurkeztu dugu. Horren bidez, bi minutu eskasetan, garena eta egiten duguna ezagutzera eman nahi ditugu, gure ibilbidea eta ekintza eta sentsibilizazioaren aldeko apustua laburbilduz. Ikus-entzunezko honek denboran zehar Caritas Bizkaiak izandako bilakaera azaltzen du. Izan ere, 65 urte luze daramatza Bizkaian pobrezia eta bazterkeriaren aurka borrokan. Horrela izanik, antzematen diren beharrizan sozialei erantzuna emateko garatzen diren esku-hartze arloak ikusarazten dira. Gizarte-babesgabetasun arloko lau egoera hauetan zentratzen da bereziki, komunikazio-tresna berria: Etxebizitza, etxegabetasuna, langabezia eta harreman sozialik eza. Horietarako, komunitate izaerako erantzunak planteatzen dira. Gogoan hartu nahi dugu Caritas Bizkaia denok osatzen dugula: bide-laguntza jasotzen duten pertsonak, boluntarioak, bazkideak, emaileak, laguntzaile eta langileak. Denon artean, mundu bidezko eta inklusiboago bat lortu dezakegula…