Gaztelania | Euskera

Bilboko XVIII. Opil Solidarioa

XVIII. edizioa. Pandemia-garaian pertsona zaurgarriei ahotsa ematen dien opila. «Bilboko XVIII. Opil Solidarioak» bazterkeria- eta pobrezia-egoerei buruz sentsibilizatzen jarraituko du pandemia-garaian, eta 1.200 errazio solidario banatuko ditu 2022eko urtarrilaren 5ean, asteazkenez, Plaza Barrian Gaur, abenduak 30, Bilboko XVIII. Opil Solidarioa aurkezteko prentsaurrekoa egin da, 11:00etan, Caritas Bizkaiaren egoitzan. Honako hauek hartu dute parte: Carlos Bargosek eta Ana Sofi Telletxeak, Caritas Bizkaiaren aldetik; Rosa Pardok, Bilboko Zazpikaleetako Merkataritza, Ostalaritza eta Enpresen Elkartekoak; Pilar Alonsok, Bizkaiko Okindegien Elkartekoak; Nekane Narbaizak, Lapiko Catering enpresakoak; José Ramón Tarancok, LABORAL Kutxakoak, eta Amagoia Ormaetxeak, Engranaje Publicidad agentziakoak. Edizio hau Bilboko Plaza Barrian egingo da, osasun-neurri zorrotzak betez, eta eramateko formatuan prestatuko dira opil-errazioak. Joan den urteko esperientzia kontuan hartuta, opil-zatiak…

Emakume gazteentzako prestakuntza-eskola (Kongoko E. D.)

2016.urteaz geroztik, Loiolako San Inazio parrokiak eta Portugaleteko Udalak, Caritas Bizkaiarekin batera, laguntza eskaini dute adingabeak ardurapean dituzten emakume gazteentzako prestakuntza-eskola abian jartzen, egoera latza bizi duen Lukala hiriko 7. auzoan (Kongoko Errepublika Demokratikoa). Portugaleteko Caritaseko lankidetza taldea izan zen ekimen horren buru hasiera-hasieratik, eta haren eginkizuna izan da, besteak beste, sentsibilizatzea eta ezagutaraztea herrialde anaien arteko desberdintasunaren errealitatea. Portugaleteko boluntario, kristau-elkarte, katekesi-talde eta kristau-komunitateko eragile bakoitzak ipini zuen bere aletxoa proiektu hori errealitate bilakatzeko. Fasez fase, lau areto eraiki eta egokitu dira hainbat alorretako trebakuntza jasotzeko, besteak beste, alfabetatzea, eskubideak, agronomia eta jantzigintza, eta oinarrizko ekipamenduaz, arreta-bulegoaz eta saneamenduko ekipamenduaz hornitu dira. Kongoko Errepublika Demokratikoko emakumeek diskriminazio-egoera berezia bizi dute hezkuntza eskuratu ahal izateko,…

Pertsona migratzaileen nazioarteko eguna

Caritas Bizkaian urtero, data hauetan, pertsona migratzaileen nazioarteko eguna oroitu nahi izaten dugu, pandemiaren ondorioz mugarekin lotutako neurriak malgutzearekin aurreko urtearekin alderatuz arrazoi ezberdinak direla medio (ekonomikoak, klimarekin lotutakoak, gatazka armatuak, sexu orientazioaren, generoaren, arrazaren edota nortasun erlijiozkoaren ondoriozko jazarpena) beren herrialdeetatik ihes egiten duen pertsona kopuruak gora egin duen urteari amaiera ematen diogun bitartean. Joan den azarotik, beste behin, milaka pertsona migratzaile eta errefuxiatuk Polonia eta Bielorrusiaren arteko mugan bizi dituzten baldintza penagarrien lekuko izaten ari gara. Interes politikoetarako elkartruke bilakatzen ari da, Afrika eta Ekialde Hurbiletik datozen gazte eta adin txikikoekin Espainiako hegoaldeko mugan joan den maiatzean gertatu zen eran. Pertsona migratzaileak tresna gisa erabiltzearen eta Europara iristeko ahaleginean jasaten duten eskubide urraketaren…

Gabon honeetan aurkitu dabe lekua ostatuan

Caritas Bizkaiaren Gabon aldiko kanpainaren goiburuak ohiko logika apurtzeko dei ezan gura dau, Beleneko familiak eta beste hainbestek bizi izandako historiaren amaiera aldatzeko dei. “Ez zan ostatuan hareentzako lekurik”. (Lk 2, 7) Asteburu honetan egingo dugun kanpaina honek gu kolektibo eta komunitario bat izango du hizpide. Aurrera itxaropenez begiratu behar duen gu bat da, etorkizun zabalagoak bilatu behar dituena, pertsona guztiei —batez ere pandemiaren garaian eta aurretik bizitzaren funtsezko zutabeetan izugarrizko galerak izan dituztenei— euren existentzia, aukerak eta bizi proiektuak birsortzen laguntzeko. KOMUNITATE ALAI BATETIK ITXAROPENA BIZI ETA KUTSATZERA gonbidatuko gaitu. Ebanjelioaren balioen bidez jarduteko eta izateko modua argitzen du itxaropenak, eta ekintza nabarmenetan eta giza eskubideak defendatzen dituzten proiektuetan islatzen da. Kanpaina honetan, etxebizitzarako…

Desberdintzak murrizteko ekitatean aurrera egin behar dugu

Caritasek politika publikoen diseinuan prestazioak eskuratzeko prozesuetatik at geratzen diren errealitateak jasotzeko deia egiten du. “Desberdintzak murriztuz, Giza Eskubideen alde aurrera eginez” leloarekin, Nazio Batuek eta nazioarteko komunitate osoak ostiral honetan, abenduak 10, Giza Eskubideen Nazioarteko Eguna oroitzen dute. Beste urte batez, 1948an Asanblada Nagusiak Giza Eskubideen Deklarazio Unibertsala pertsona, komunitate eta herri guztientzat, munduko txoko bakoitzean, onartu izana oroitzen dugu. Eta modu berezian pandemia ikaragarri bat pairatzen ari garen honetan, herrialde guztiei krisi horretatik eratorrita osasun, gizarte eta ekonomia arloan berdintasunera so ditugun premiei aurre egitea ezinezkoa zaiela agerian uzten ari dena. Hegoaldean, askoz ere krudeltasun handiagoz, egunez egun COVID-19 gaixotasunaren tratamenduan eta etorkizunean egun bizi dugun egoera bezalakoen aurrean prebentzioa egiteari dagokionez desberdintza…

Eskerrik asko. Boluntarioaren Nazioarteko Eguna

Zuri esker amets egiten eta itxaropena ahalbidetzen duen Gizartea eraikitzen dugu. Abenduaren 5a Boluntariotzaren Nazioarteko Eguna da, gure herri eta hirietan milaka boluntariok egiten duzuen lan solidario eta eskuzabala aitortu, eskertu eta ospatzeko eguna. Ez zarete ikusezinak, baina zuen ekintzak protagonismotik ihes egiten du. Izen-abizenak dituzuen pertsonak zarete, zuen denbora eta dohainak partekatzen dituzuenak, maitasun, justizia eta anaitasun amets handiak dituzuelako, eta zuen bizitzekin egi bihurtzen dituzuelako. Pandemiaren ondoren, zuen lanak are balio handiagoa hartu du, eta orain inoiz baino gehiago, zuen beharra dugu. Garai zailak bizi ditugu. Itxaropenik eza, beldurra eta mina gure kaleetan daude, eta  axolagabekeria gure babes ezkutua bilakatzeko arriskua dugu. Gizatasunik ezaren, sufrimenduaren eta bakardadearen larrialdiari aurre egin behar diogu, eta…

Euskararen Nazioarteko eguna

Gaur, abenduak 3, da. Gaur Caritas Bizkaiak euskararekin duen konpromisoa gogoratu eta berriztu nahi dugu, Bizkaiko kristau komunitatearen zati handi baten eta boluntario, langile, parte-hartzaile eta laguntzaile askoren hizkuntza baita. Euskararen erabilerak hurbiltasuna errazten du, Caritasen balioetako bat, Nelson Mandelak zioen bezala: «Pertsona bati ulertzen duen hizkuntza batean hitz egiten badiozu, mezua burura iristen zaio. Bere hizkuntzan hitz egiten badiozu, bihotzera iristen zaio «. Horregatik, gaur Euskararen Eguna ospatzen dugu eta Caritasen gure egunerokotasunean euskararen presentzia errazteko egiten dugun ahalegin pertsonal eta bateratua eskertzen dugu.

Emakumeen aurkako indarkeriari ez

“Bada garaia emakumeen aurkako indarkeriakaz amaitzeko, emakumeak errespetuz hartzeko eta ez trukerako txanpon lez”. Frantzisko Aita Santua Geure egiten doguz Frantzisko Aita Santuaren hitzok. Ezinbestekoa da, sekula baino gehiago gainera, gizartean hedatuta dagoan gatx hau, emakumeen eta neskatoen aurkako indarkeria, desagerraraztea. Gaur, baita Bizkaian be, pertsonen salerosketaren biktima diran edo tratu txar psikologiko fisiko edo sexualak jasaten dabezan emakumeak dagoz. Isiltasunak eten behar doguz eta zuribideei aurre egin. Indarkeria jasaten daben emakumeei eta euren familiei leku seguruak, babes eta errespetua emongo deutsen lekuak eskaintzeko konpromisoari eutsi egiten deutsagu. Bada garaia alkarregaz guztioi dagokigun gizatasunaren hondamenaren aurka ozen garrasi egiteko! Bada garaia gure jardunbide eta hizkerak berrikusteko! Bada garaia biktimak aurreretxi barik entzuteko! Bada garaia beste…

Haurren Eskubideak

Betidanik egin du Caritasek txikienak, ahulenak, zainduko dituen gizartearen alde. Haurrak, gure gizartearen etorkizuna ez ezik, zaindu eta babestu beharreko oraina ere badira, pertsona guztientzako gizarte justuago bat lortu nahi badugu. Munduko hainbat lekutan haurren eskubideak errespetatzea lortzeko borroka etengabea da gure eguneroko lanean, eta, horrez gain, behar-beharrezkoa da belaunaldi batetik besterako desberdintasun-egoerei eusten dien pobreziaren belaunaldi-transmisioaren zirkulua hausteko. Osasun-krisiaren ondorioz, gizarte-egoera prekarioenean dauden adingabeek ezin izan dute haur izan. Horregatik, Caritasek apustu egiten du haur bakar batek ere ez dezala atzera egin oinarrizko eskubideen babes-mailan, hala nola elikadura, osasuna edo hezkuntza, baita maila afektiboetan ere, hala nola ilusioan, aisialdian, maitasunean edo adiskidetasunean, segurtasuna eta hurbiltasuna ematen baitute. Horregatik, egun seinalatu honetan, honako eskubide hauek…

Pobreen Aldeko V. Eguna

«Behartsuak beti dituzue zuen artean» (Mk 14, 7) goiburuaren haritik ospatuko da aurton Pobreen Munduko Eguna. Frantzisko Aita Santuak dei egiten deusku egun horretan: «Pobreak ez dira alkartetik ‘kanpoko’ pertsonak, anai eta arreba baino eta euren sufrimentua geure egitea dagokigu, euren ondoeza eta bazterketa arintzeko, galdutako duintasuna itzultzeko eta ezinbesteko gizarteratzea ziurtatzeko (…) konpartitzeak senidetasuna sortzen dau». (3) Eleizbarrutian, dei horri erantzun gura deutsagu, “Bat gara. Creamos comunidad acogedora” kurtso hasierak proposamenari jarraipena emonez. “Poliedroaren” aniztasunean, pobretasuna eta ahultasuna jasaten dabezan pertsonak be onartu eta txertatu gura doguz. Hori kontuan hartuta, egun hau alkartze senez ospatzea proposatu gura deutsegu alkarteei; konpartitu eta gure inguruan pobretasunezko egoerak bizi dabezan pertsonengana hurreratu gura dogu. Dei egiten deutsuegu ekimen hau martxan jarri daizuen. Larunbat honetan, hilak 13, hainbat…