Gaztelania | Euskera

Bidezko Merkataritzaren Munduko Eguna

Berreraiki  justiziaz Gaur, maiatzak 8, Bidezko Merkataritzaren Munduko eguna da, eta aldarrikapen kutsu berezia dauka aurtengoan, izan ere, COVIDaren osteko sasoirako lehengoratze ekonomiko iraunkor eta gizatiarra eskatu nahi dugu. “Berreraiki dezagun justiziaz” lelopean, bidezko merkataritzaren mugimenduak nazioarteko erakunde eta ordezkari politikoei dei egin nahi die, larrialdi klimatikoa arintzeko eta desberdintasun egoerak murrizteko. Giza Eskubideak eta planetaren babesa lehenetsiko dituen politika bat behar dugu, Bidezko Merkataritzaren eta Ekonomia Solidarioaren balioak oinarri izango dituena. Caritas Bizkaiak 20 urte baino gehiago daramatza bidezko merkataritzaren alde egiten, pobreziaren eta herrien arteko desberdintasunen aurka borrokatzeko tresna gisa. Elizaren Dotrina Sozialaren bidez entziklika eta testu askok izan dute gai hori hizpide, egun indarrean dugun eredu sozioekonomikoa kritikatu dute, eta beste eredu…

Caritas Bizkaiak bideo korporatiboa estreinatu du

Bideo animatu berri bat aurkeztu dugu. Horren bidez, bi minutu eskasetan, garena eta egiten duguna ezagutzera eman nahi ditugu, gure ibilbidea eta ekintza eta sentsibilizazioaren aldeko apustua laburbilduz. Ikus-entzunezko honek denboran zehar Caritas Bizkaiak izandako bilakaera azaltzen du. Izan ere, 65 urte luze daramatza Bizkaian pobrezia eta bazterkeriaren aurka borrokan. Horrela izanik, antzematen diren beharrizan sozialei erantzuna emateko garatzen diren esku-hartze arloak ikusarazten dira. Gizarte-babesgabetasun arloko lau egoera hauetan zentratzen da bereziki, komunikazio-tresna berria: Etxebizitza, etxegabetasuna, langabezia eta harreman sozialik eza. Horietarako, komunitate izaerako erantzunak planteatzen dira. Gogoan hartu nahi dugu Caritas Bizkaia denok osatzen dugula: bide-laguntza jasotzen duten pertsonak, boluntarioak, bazkideak, emaileak, laguntzaile eta langileak. Denon artean, mundu bidezko eta inklusiboago bat lortu dezakegula…

#maiatzak1. Orain, inoiz baino gehiago, lan duina

Pandemiak lan duinerako eskubidea, itun soziala eta demokrazia ahuldu ditu. Caritas Bizkaiak, Lan Duinaren aldeko ekimenaren partaidea denez gero, kontratu sozial berri baterako elkarrizketa eskatzen du, pertsonak, lan duina eta planetaren zaintza oinarri hartuta, betiere.   «Orain, inoiz baino gehiago, Lan Duina!» lelopean, Lan Duinaren aldeko Eliza ekimenak  (Caritas, CONFER, Hermandad Obrera de Acción Católica HOAC, Justicia y Paz, Juventud Estudiante Católica JEC eta Juventud Obrera Cristiana JOC taldeek osatua) Manifestu bat argitaratu du maiatzaren 1aren harira. Horren bidez, ohartarazi nahi du pandemia lanerako eskubidea ahultzen ari dela, eta milioika langile pobretu, prekarizatu eta alde batera uzten ari dela, bereziki, emakumeak eta gazteak. Horrela izanik, “lanerako eskubidea arriskuan dago, eta horrek esan nahi du itun…

BIHOTZEZ berria hemen da! 76. edizioa

BIHOTZEZ berria hemen da! Bisitatu bertsio digitala, eta gure Caritasen azken hilabeteetako lana gertuagotik ezagutuko duzu.   76. edizioaren gai nagusia Enplegu Inklusiboa da, komunitatearen ikuspegitik. Bisitatu QR kodeak eta informazio gehigarria lortuko duzu, bideo, audio, lotura eta dokumentuen bidez.  

Lankidetza-hitzarmena berria ENTZUTEKOA gizarteratze-elkartearekin

Lankidetza-hitzarmena sinatu dugu Zallako ENTZUTEKOA gizarteratze-elkartearen eta Caritas Bizkaiaren artean. Begoña Aretxabala, Entzutekoa elkarteko presidenteak eta Carlos Bargos, Caritaseko zuzendariak, datozen hiru urteetarako hitzarmena sinatu dute. Xede nagusia babesgabetasun egoeran dauden Arangureneko pertsonei (Zalla) bide-laguntza ematea da. Helburu nagusia zera da, bazterkeria-egoeran edo arriskuan dauden eskualdeko emakumeen garapenean laguntzea, beren autoestimua eta balorazio pertsonala hobetu eta gizarteratze-prozesuan aurrera egin dezaten. Bide-laguntza jasotzen duten pertsonak beren prozesuko protagonista izan behar dute, eta erabakiak hartzeko gaitasuna izan.  

BESTEBIK “BIZITZAN JIRABIRA ASKO IZAN DAITEZKE” KANPAINA AURKEZTEN DU

Etxebizitza-bazterkeriaren kontrako eta ‘Etxerik gabeko pertsonen’ aldeko “Bestebi” plataformak” apirileko kanpainaren bideoa aurkezten du.   COVID-19k eragindako osasun-alarmaren ondoriozko krisiaren aurretik, pobrezia-egoeran edo -arriskuan dauden pertsonekin eta gizarte-bazterketako egoeran daudenekin lan egiten dugun erakunde eta zerbitzuok hainbat arazo zehatz antzeman genituen etxebizitza duina eskuratzeko eskubideari dagokionez. 2020a baino lehenagoko urteetan, etxerik gabeko pertsonen kopuruak nabarmen egin zuen gora Euskadin; gainera, etxegabetasun-egoera berriak ikusi genituen, eta horiei gizarte-zerbitzuek duela urte batzuetatik abian jarritako erantzun tradizionalekin erantzun zaie; onartutako lege berriak eta gai horri buruz egin diren azken azterlanak aprobetxatu gabe, eta errealitate berrietara egokitutako erantzun egokiagoak emateko aukerarik gabe. Pandemiak eragindako krisiak are nabarmenago utzi ditu arazo horiek, eta ondorio larriak eragin ditzake etxebizitza eskuratzean. BesteBi…

«AUZOLANA II» BABESLETZA KOMUNITARIOKO ESPERIENTZIA PILOTUAREN EBALUAZIOA

Eusko Jaurlaritzak, errefuxiatuei erantzunak emateko konpromisoaren parte gisa, auzolana II ekimena bultzatu du, Euskadin babes komunitarioko esperientzia pilotu bat abian jartzeko. 2016ko irailaren 20an, Iheslarientzako Nazio Batuen Goi Mandatariak eta Kanadako Gobernuak Errefuxiatuen Babesletzarako Ekimen Globala (GRSI ingelesez) aktibatzea hitzartu zuten, mundu osoko errefuxiatuen babesletza komunitarioaren eredua sustatzeko. Babesletza komunitarioak aukera ematen die herritarrei zuzenean parte hartzeko errefuxiatuei abegi egiteko eta integratzen laguntzeko lanean. Babesletza komunitarioko taldeek konpromisoa hartzen dute heldu berri diren pertsonei laguntza emateko (gizarte-laguntza, laguntza materiala eta finantza-laguntza), komunitate berrian integratzen diren bitartean. Une honetan, gatazken eta jazarpenaren ondorioz munduan desplazatutako pertsonen kopurua inoiz baino handiagoa denez gero (70 milioi baino gehiago), inoiz baino premiazkoagoa da nazioarteko babesa behar duten pertsonentzat legezko sarbideak babesteko, ugaritzeko eta dibertsifikatzeko erantzukizuna partekatzea. Horregatik guztiagatik, eta errefuxiatuei…

LURRAREN MUNDUKO EGUNA. Natura eta Osasuna

Gaur, apirilak 22, Lurraren Munduko Eguna da. Pandemia egoera honetan, Naturaren osasunaren eta pertsonen osasunaren arteko lotura, harmonia eta elkarren mendekotasunaz ohartu behar dugu. Koronabirusaren agerraldia itzelezko arriskua da osasun publiko eta mundu mailako ekonomiarentzat, baina baita biodibertsitatearentzat ere, eta hori da Lurra bizirik mantentzen duena, klima orekatzen duena, airearen eta uraren kalitatea bermatzen dituena, edota patogenoen hedapena zailtzen duena. Aurten, Lurraren Eguna Biodibertsitatearen Urtearekin bat dator. Horren bidez, dibertsitate biologikoak Lurraren Osasun Adierazle moduan daukan egitekoa eta gizakion osasunean duen eragina planteatu nahi dira. Animalia, landare eta organismo bizien espezieek elikagaiak, lehengaiak, energiak, medikamentuak eta bestelako baliabideak ematen dizkigute, gure ekonomia, osasun eta ongizatearen oinarri moduan. Horiek denek, era berean, ekosistema eta biodibertsitate osasungarriak…

Gizalegezko Lanaren aldeko Eleizbarrutiko I. Eguna

Gaur, apirilak 18, Gizalegezko Lanaren aldeko Eleizbarrutiko I. Eguna ospatzen dogu. Hori dala-eta, On Joseba Segura Eleizbarrutiko gotzain administratzaileak oharra kaleratu dau, besteak beste, “Gizalegezko Lanaren aldeko Egun” hau ospatuz. On Joseba Segura Eleizbarrutiko gotzain administratzaileak gogoratzen dauanez, Eleiza Katolikoak urtero ospatzen dau ‘Gizalegezko Lanaren aldeko Ekimena’, “lanak, egiten daben pertsonentzat eta euren familientzat bizimodu duina ziurtatzeko ezinbesteko baldintzak bete daizan, sindikatuek eta beste hainbat erakundek egiten daben ahalegina babestuz”.    “Giza lana, lanbidea baino gehiago da eta egindako lanaren truke jasoten dan soldata baino balio handiagoa dau. Lanak gure hartu-emonak eratzen ditu eta gizartearen garapenerako bultzada da; nortasuna emoten deusku eta gizarte autorpena”.           Eleizbarrutiko gotzain administratzailearen esanetan, lanari esker “Jainkoak sortutako eta salbatutako mundu honen hobekuntzan laguntzen dogu eta Kristok defendatu…

‘Bestebi’ Plataformak etxerik gabeko beste pertsona baten heriotza salatu du

Etxebizitza-bazterkeriaren kontrako eta «Etxerik gabeko pertsonen» aldeko «BesteBi» plataformak salatu egin nahi du Bilboko herritar baten heriotza; duela egun batzuk kalean hilik agertu zen. Beste behin, bigarren egun gutxitan,pertsona bat hil egin da Bizkaiko kaleetan. ‘BesteBi’ plataformaren izenean, bat egin nahi dugu bere senide eta lagunen minarekin. Fatima ostiralean joan zitzaigun, gure artean joan-etorri luzeak egin zituelako oso ezaguna; Aliciaren untxia bezala zen Lurralde Miresgarrian, eta korrika egiten zuen denbora guztian, goitik behera, hanka azkar eta txikiekin, denborak ihes egiten ziola jakingo balu bezala. Oraingoan bera baino azkarragoa izan da eta kalean aurkitu du heriotza. Handienetako bat abiatu da. Gutaz eta gurekin gehien barre egiten zuena. Ekonomiagatik “maitea” deitzen zigun, eta horrela hainbeste izen gogoratzea…