Argi Ibili no te encalles astea
Martxoaren 21ean arraza-bereizkeriaren aurkako nazioarteko eguna ospatuko dugu. Hori dela eta, aurreko astean zehar, pertsona migratzaile eta errefuxiatuei buruz entzuten ditugun zurrumurru ohikoenak desegin nahi ditugu, bereziki emakumeei buruz, zeren eta, emakume izateagatik, diskriminazio ugari jasaten baitituzte.
Helburua zurrumurruen, estereotipoen eta diskriminazioaren egiazkotasunaz jabetzea eta ikuspegi kritikoa izatea da. Zurrumurruak birusak dira, azkar zabaltzen direnak eta gure pentsatzeko eta hitz egiteko moduan integratzen ditugunak, beste pertsonekiko ditugun jarrerak ere aldatuz. Zurrumurruek tentsioa eta ondoeza sortzen dute, eta Caritasetik ezin dugu hura hedatzen lagundu. Aste honetan, egunero gure artean azkar zabaltzen den zurrumurru bati erreparatuko diogu, eta argumentu batekin desmuntatuko dugu. Argudioek gogoeta egiten eta beste pertsona batzuk pentsatzera, zurrumurruak zalantzan jartzera eta aurreiritzi horiekiko begirada kritikoa izaten lagunduko digute. Zurrumurru eta kontraargudio bakoitzak bideoren bat izango du, egoera horiek hobeto ulertzeko.
Ziur gaude immigrazioa fenomeno aldakorra dela eta haren aniztasunak aberastu egiten gaituela. Haren aurrean, gure beldurrak uxatu behar ditugu, “nire aurrean ni bezalako norbait bakarrik dagoelako”. Frantzisko aita santuak adierazten duenez: «Ez dira esku hutsik iristen: beren ausardia, gaitasuna, energiak eta nahiak, eta, jakina, beren kulturaren altxorrak ekartzen dituzte berekin, eta, hala, haiek hartzen dituzten nazioen bizitza aberasten dute». Estrategiak egia horretan sakontzen du, Cariytas Bizkaiaren taldeetan programatutako jardueren bidez: sentsibilizazio saioak, Zelataritza eragileen prestakuntza, ekintza esanguratsuak Caritasen barruan eta kanpoan, eta bizikidetza eta bakea sustatzea.
Boluntario-talde batzuek “Argi Ibili” astea antolatuko dute bere pastoral barrutietan, materialak beren ingurunera eta proiektuetara egokituz. Santutxu, San Ignazio, bi adibide dira. Talde gehiago animatzen ditugu estrategia hori programazioetan kontuan hartzera, komunitate erosoago baterantz aurrera egiteko.
Aste honetako antolaketa Caritas Bizkaiaren Argi Ibili No te encalles estrategiaren parte da. Estrategia hau Zas! Zurrumurruen Aurkako sarearen parte da.
